ގަލޮޅު ސަހަރާއިން ބައެއް ގަބުރުތައް ނަގަނީ
އެހެންކަމުން އެ ސަރަހައްދުތަކުގައި މިހާރު ހުރި މަހާނަ ގާތައް ނަގައިގެން ގެންދަން ބޭނުންވާ ފަރާތްތަކަށް މި މަހުގެ 15 ވަނަ ދުވަހުގެ ކުރިން އެ މަސައްކަތް ސިޓީ ކައުންސިލާ ގުޅިގެން ކުރެވޭނެ ކަމުގައި ކައުންސިލުން ބުނެފައިވެ އެވެ.
ގަލޮޅު ސަހަރާގައި މިހާރު ކުރަމުން އަންނަ މަސައްކަތަކާ ގުޅިގެން އެ ސަހަރާގައި ވަޅުލާފައިވާ ބައެއް ގަބުރުތައް ނަގަން މާލޭ ސިޓީ ކައުންސިލުން ނިންމައިފި އެވެ.
ސިޓީ ކައުންސިލުން އިއްޔެ ނެރުނު އިއުލާނެއްގައި ބުނެފައިވަނީ ގަލޮޅު ސަހަރާގައި ކުރަމުންދާ މަސައްކަަތަކާ ގުޅިގެން، އެ ސަހަރާގެ އިރު ދެކުނު ފަރާތާއި ހުޅަނގު އުތުރު ފަރާތުގައި ހުރި ގަބުރުތަކެއް ނަގަން ބޭނުންވާތީ، އެ ސަރަހައްދުތަކުގައި ހުރި މަހާނަ ގާތައް ނަގަން ބޭނުންވާ ކަމަަށެވެ.
އެހެންކަމުން އެ ސަރަހައްދުތަކުގައި މިހާރު ހުރި މަހާނަ ގާތައް ނަގައިގެން ގެންދަން ބޭނުންވާ ފަރާތްތަކަށް މި މަހުގެ 15 ވަނަ ދުވަހުގެ ކުރިން އެ މަސައްކަތް ސިޓީ ކައުންސިލާ ގުޅިގެން ކުރެވޭނެ ކަމުގައި ކައުންސިލުން ބުނެފައިވެ އެވެ.
ކައުންސިލުން ބުނީ އެ މުއްދަތުގައި އެތަނުން ނުނަގައި ހުންނަ މަހާނ ގާތަށް ނެގުމަށްފަހު ނައްތައިލާނެ ކަމަށެވެ.
ގަލޮޅު ސަހަރާގެ ބިން ފުރިފައި އޮތުމުގެ ސަބަބުން އެ ސަހަރާގައި މީހުން ވަޅުލަނީ ވަރަށް މަދުންނެވެ. ގަލޮޅު ސަހަރާގެ ދެ ސަރަހައްދަކުން ގަބުރުތައް ނަގާ ސަބަބެއް ސިޓީ ކައުންސިލުން ހާމަނުކުރެ އެވެ.
ސިޓީ ކައުންސިލުން އަންނަނީ މާފަންނު ސަހަރާގައި ހުރި ކަށިތައް ނަގައި އެ ސަރަހައްދު ހުސްކުރުމުގެ މަސައްކަތް ކުރަމުންނެވެ. އެއީ ސަހަރާ ހުރި ބިމުގައި ޕާކިން ބިލްޑިންއެއް އެޅުމަށް ސަރުކާރުން ބޭނުންވާތީ އެވެ.
ކޮމެންޓް
Republic of Maldives