"ޕީއެންސީދެކެ ލޯބިވާ ބަޔަކު ނެތް، ތިބީ މަގާމާއި ވަޒީފާ ބޭނުންވާ މީހުން"
އެ ޕާޓީ އުވާލުމުން އެކަމުގެ ނުރުހުން ފާޅުކުރައްވައި އެކްސްގައި ކުރެއްވި ޕޯސްޓެއްގައި އައްދު ވިދާޅުވީ ޕީޕީއެމް މެންބަރުން މިއަދު މަގުމަތިކޮށްފައިވާ ކަމަށެވެ.
ސަރުކާރު ހިންގާ މައި ޕާޓީ، ޕީއެންސީ ފިކުރު ދަންނަ އަދި އެޕާޓީ ދެކެ ލޯބިވާ އެކަކުވެސް ނެތް ކަމަށާއި، ހައްތަހާވެސް ތިބީ މަގާމާއި ވަޒީފާ ބޭނުންވެގެން ޕާޓީގައި ތިބި މީހުން ކަމަށް އައްޑޫ މީދޫ ދާއިރާގެ މެންބަރު އަބްދުލް ރަހުމާން (އައްދު) ވިދާޅުވެއްޖެ އެވެ.
އިއްޔެ އުވައިލި ޕީޕީއެމްގައި ފެށުނީއްސުރެ އުޅުނު އައްދު ރައްޔިތުންގެ މަޖިލީހަށް އިންތިހާބުވީ އަމިއްލަ ގޮތުންނެވެ. އޭރު ޕީޕީއެމްގެ ޓިކުޓުގައި ވާދަނުކުރެވޭ ގޮތަށް ހެދުމުން އޭނާ ކުރިމަތިލީ އަމިއްލަ ގޮތުންނެވެ. އެ ޕާޓީ އުވާލުމުން އެކަމުގެ ނުރުހުން ފާޅުކުރައްވައި އެކްސްގައި ކުރެއްވި ޕޯސްޓެއްގައި އައްދު ވިދާޅުވީ ޕީޕީއެމް މެންބަރުން މިއަދު މަގުމަތިކޮށްފައިވާ ކަމަށެވެ.
"ޕާޓީ މެންބަރުންގެ ހައްގުގައި ބަހެއް ބުނަން ނުކެރި، ޕާޓީމެންބަރުން މަގުމަތި ކޮއްފަ، ބަސްއަހާ ދެ ބޯއިންހެން އައިސް ޕީޕީއެމްގެ ނައިބު ރައީސް އަހުމަދު ޝިޔާމް އަދި ޣައްސާން މައުމޫން ލަދުގަންނަން ޖެހޭ ގަރާރޭ، ސަރުކާރޭ ކޯލިޝަނޭ މަސްލަހަތޭ ވިދާޅުވެ ވާހަކަފުޅުދައްކަވަން. ކޮބާ ކޯލިޝަން؟" ޕާޓީ އުވައިލުމުން އެކަމުގެ ނުރުހުން ފާޅުކުރައްވަމުން މެންބަރުން ވިދާޅުވި އެވެ.
އައްދު ވިދާޅުވީ ޕީޕީއެމް އުވައިލި ނަމަވެސް ޕީއެންސީއަކީ އެފިކުރު ނޫން ކަމަށެވެ. ޕީއެންސީގެ ފިކުރަކީ މެންބަރުންނާ ވަރަށް ބީރައްޓެހި ފިކުރެއް ކަމަށެވެ.
"ޕީއެންސީގައި ވެސް ގިނައީ މަޖިލިސް އިންތިހާބު ޕްރައިމަރީ ސްކޭމުގަ އަޅުގަނޑުމެން ޖައްސުވާ ފުރުވި ފޯމް، ފިކުރުވެގެން ފުރި ފޯމެއްނެތް. ކޮބާ ފޯރިއާއިއެކު ޕާޓީ ހިންގަން ތިބި މީހުން މިހާރު؟" އައްދު ސުވާލު ކުރެއްވި އެވެ.
އައްދު ވިދާޅުވީ ޕީއެންސީގައި ގައުމަށާއި ޕާޓީއަށް އިހުލާސްތެރި ބަޔަކު ނެތް ކަމަށެވެ. ޕީއެންސީގެ ފިކުރަކީ ކޯއްޗެއްކަން އެނގޭ އަދި އެޕާޓީ ދެކެ ލޯބިން ތިބި ބަޔަކު ވެސް ނެތް ކަމަށެވެ. ކުރީގެ "އެތި ކަޑަވެގެން" އެޔަށްވުރެ ރަގަޅު އެއްޗެއް ހޯދަން އުޅެގެން ދިޔައީ "ޗޮކުން" ކަމަށް ވެސް އޭނާ ވިދާޅުވި އެވެ.
"އެމްޑީޕީ އަކީ، ރައީސް ނަޝީދަށް ނުވިހެން، ޕީޕީއެމް އަކީ ރައީސް މައޫމޫނު ނޫނީ ރައީސް ޔާމީނެއްވެސް ނޫން، ރައީސް ޔާމީން އެ ހުންނެވީ ރައީސް ޔާމީންގެ ޕާޓީ ހިންގަވަން، އާ ޖެނެރޭޝަނެއް ލީޑްކުރައްވަން ނައިބް ރައީސް ޝިޔާމުމެން ޣައްސާނުމެން ފަދަ ބޭފުޅުން ތިއްބަވަންވީ ޕާޓީ ހިންގަވަން. ޕީއެންސީ ބޭފުޅުން ތިއްބަވަންވީ އެތިއްބަވާ ކޯލިޝަނެއް ހިންގަވަން،" އައްދު ވިދާޅުވި އެވެ.
އައްދު ވިދާޅުވީ "ދިވެހީންގެ ރާއްޖެ" އާއި ޕީޕީއެމް ހިސޯރު ކުރީ އެޕާޓީގެ މެންބަރުންނަށް މަޖިލީސް ތަމްސީލުކުރުމުގެ ފުރުސަތު ނުދިން ހިސާބުން ކަމަށެވެ. އޭރު ވެސް އެ ޕާޓީގެ ނައިބް ރައީސްގެ މަގާމުގައި ތިއްބެވި ބޭފުޅުން އުޅުއްވީ ލިބެން އޮތް ވަޒީރުކަން ގެއްލިދާނެތީ ބިރުން ކަމަށް އޭނާ ތުހުމަތު ކުރެއްވި އެވެ. އެހެންނޫންނަމަ މިއަދު މަޖިލީހުގެ މެޖޯރިޓީ އޮންނާނީ ޕީޕީއެމްއަށް ކަމަށް ވެސް އޭނާ ވިދާޅުވި އެވެ.
ކޮމެންޓް
Republic of Maldives