ޕީޕީއެމް އުވައިލަން ޕާޓީގެ ސެނެޓުން ފާސްކޮށްފި
މިއަދު އޮތް ސެނެޓު ބައްދަލުވުމުގައި އެ ޕާޓީ އުވައިލުމަށް ފާސްކޮށްފައިވަނީ ސެނެޓު ބައްދަލުވުމުގައި ބައިވެރިވި 42 ސެންޓަރުންގެ އިއްތިފާގުންނެވެ.
ޕާޓީ އުވައިލަން ފަސޭހަކުރުމަށް ޕީޕީއެމްގެ އަސާސީ ގަވާއިދަށް މީގެ ކުރިންވަނީ ބަދަލުތަކެއް ގެނެސްފަ އެވެ. އެގޮތުން ޕާޓީ އުވައިލުމަށް ސެނެޓުގެ ހަތަރުބައިކުޅަ ތިން ބައި އަޣުލަބިއްޔަތު ބޭނުންވާ ގޮތަށް އޮތް އޮތުން ތިން ބައިކުޅަ ދެ ބައިގެ އަޣުލަބިއްޔަތުން ނިންމޭ ގޮތަށް ސެނެޓުން ނިންމާފައިވެ އެވެ.
މާލީ ސަބަބުތަށްޓަކައި ޕާޓީ އުވައިލަން ޖެހޭނަމަ ޕާޓީ އުވައިލުމުގެ ބަދަލުގައި ޕާޓީގެ ލީޑާޝިޕަށް ފެނިއްޖެނަމަ ޕާޓި އުވައިލަން ހުށަހެޅޭ ގޮތަށްވެސް ގަވާއިދު ބަދަލުކޮށްފައިވެ އެވެ.
ޕީއެންސީއަކީ ޕީޕީއެމް ރައީސް އަބްދުﷲ ޔާމީނުގެ އަތްޕުޅުން އަތުލާނެކަމަށް 2018 ވަނަ އަހަރު އުފެދުނު އެމްޑީޕީ ސަރުކާރުގައި ވައުދުވެފައިވާތީ އުފެއްދި ޕާޓީއެކެވެ. ނަމަވެސް 2023 ވަނަ އަހަރުގެ ރިޔާސީ އިންތިހާބުގައި ޕީޕީއެމްގެ ބަދަލުގައި ރިޔާސީ ކެންޑިޑޭޓެއް ނެރުނީ ޕީއެންސީންނެވެ.
ޕީއެންސީއާއި ޕީޕީއެމް މިހާތަނަށް ހިންގަމުންދަނީ ޖޮއިންޓް ކައުންސިލުންނެވެ. ޕީޕީއެމް އުވައިލަން ނިންމާފައިވާއިރު، ޕީއެންސީއަށް މެންބަރުން އިތުރުކުރުމަށް ގިނަ ހަރަކާތްތަކެއް އަންނަނީ ހިންގަމުންނެވެ.
މިއަދު އޮތް ސެނެޓު ބައްދަލުވުމުގައި އެ ޕާޓީ އުވައިލުމަށް ފާސްކޮށްފައިވަނީ ސެނެޓު ބައްދަލުވުމުގައި ބައިވެރިވި 42 ސެންޓަރުންގެ އިއްތިފާގުންނެވެ.
ކޮމެންޓް
Republic of Maldives