ހަމައެކަނި ދިވެހިންނަށް ކުރިމަތިލެވޭ ގޮތަށް ހުޅުމާލެއިން އިތުރު 10 ބިން ބީލަމަށް
އެޗްޑީސީން މައުލޫމާތު ދިން ގޮތުގައި މިފަހަރު ވިއްކަން ހުޅުވާލަނީ ބީޗް ފްރަންޓުން ތިން ބިމަކާއި ބީޗް ސައިޑުން ހަތް ބިމެކެވެ.
ހަމައެކަނި ދިވެހިންނަށް ބީލަމަށް ހުށަހެޅޭ ގޮތަށް ހުޅުމާލޭގެ ބީޗް ސައިޑާއި ބީޗް ފްރޮންޓުން ދިހަ ބިން ވިއްކަން ހައުސިން ޑިވެލޮޕްމެންޓު ކޯޕަރޭޝަން އެޗްޑީސީން ހުޅުވާލައިފި އެވެ.
އެޗްޑީސީން މައުލޫމާތު ދިން ގޮތުގައި މިފަހަރު ވިއްކަން ހުޅުވާލަނީ ބީޗް ފްރަންޓުން ތިން ބިމަކާއި ބީޗް ސައިޑުން ހަތް ބިމެކެވެ. ބިމުގެ ސައިޒުތައްވެސް އެޗްޑީސީންވަނީ އާންމުކޮށްފަ އެވެ. އެގޮތުން:
ބީޗް ފްރަންޓުން ވިއްކާ ބިންތައް
- 1559 އަކަފުޓާއި 3،320 އަކަފޫޓާ ދެމެދުގެ ބިންތައް
ބީޗް ސައިޑުން ދޫކުރާ ބިންތައް
- 1،230 އަކަފޫޓާއި 1،534 އަކަފޫޓާ ދެމެދުގެ ބިންތައް
އެޗްޑީސީން ބުނި ގޮތުގައި މި ބީލަން ހުޅުވައިލަނީ އުމުރުން 18 އަހަރުވެފައިވާ ކޮންމެ ދިވެހި ރައްޔިތަކަށް ބީލަން ހުށަހެޅޭ ގޮތަށެވެ. އަދި ބީލަން ހުށަހަޅާ ފަރާތަކީ ކުންފުންޏެއްނަމަ އެ ކުންފުނި ވާންވާނީ ސައްތައިން ސައްތަ ދިވެހިންގެ ހިއްސާ އޮންނަ ކުންފުންޏަކަށް ކަމުގައި އެޗްޑީސީން
ބީޗް ފްރަންޓު ބިންތަކުގެ ބީލަން ފެށޭ އަގަކީ 4،500 ރުފިޔާ ކަމަށާއި، ބީޗް ސައިޑުން ވިއްކާ ބިންތަކުގެ އަގު ފެށޭނީ 4،000 ރުފިޔާއިން ކަމަށްވެސް ބނެފައިވެ އެވެ.
އެޗްޑީސީން ބުނެފައިވަނީ ކޮންމެ ފަރާތަކަށްވެސް އެއް ބީލަމަށްވުރެ ގިނަ ބީލަން ހުށަހަޅައި އެއް ބިމަށްވުރެ ގިނަ ބިން ގަތުމަށް ފުރުސަތު އޮންނާނެ ކަމަށެވެ.
މިހާރު ވިއްކުމަށް ހުޅުވާލެވިފައިވާ ބިންތަކުގެ މައުލޫމާތު މި ކޯޕަރޭޝަންގެ އޮންލައިން ބިޑް ޕޯޓަލް މެދުވެރިކޮށް ބަލައިލެވޭނެކަމަށާއި، މިކަމާ ގުޅޭ އިތުރު މައުލޫމާތު، މި ކޯޕަރޭޝަންގެ ހޮޓްލައިން ނަންބަރު 1516 އަށް ގުޅުއްވައިގެން ވެސް ސާފުކުރެއްވޭނެ ކަމަށް އެ ކުންފުނިން ބުނެފައިވެ އެވެ.
ކޮމެންޓް
Republic of Maldives