ޗައިނާގެ ދަނޑުވެރިކަމުގެ މަޝްރޫއު އުތުރުތިލިފަޅުން ފުށިދިއްގަރަށް ބަދަލުކުރަނީ

އޮންލައިން ނޫސް "ދައުރު"އަށް ދެއްވި ބަސްދީގަތުމެއްގައި އެސްޓީއޯގެ މެނޭޖިން ޑިރެކްޓާވަނީ އެ މަޝްރޫއު ފުށިދިއްގަރުފަޅަށް ބަދަލުކުރަން ނިންމިކަން ހާމަކުރައްވާފަ އެވެ. ނަމަަވެސް އެގޮތަށް ސަރުކާރުން ނިންމި ސަބަބެއް އޭނާ ހާމަނުކުރައްވަ އެވެ.

ފުށިދިއްގަރުފަޅު ހިއްކައި އެތާނގައި ދިވެހިންގެ އާ ޒަމާނުގެ ސިޓީ/ "ރަސްމާލެ" ޑިވެލޮޕް ކުރުމުގެ މަސައްކަތް ފެށުން -- މި

ރާއްޖޭގެ ކާބޯތަކެތީގެ ރައްކާތެރިކަން ކަށަވަރުކުރުމަށް ޗައިނާއާ ގުޅިގެން އުތުރުތިލަފަޅުގައި ފަށަން ނިންމާފައިވާ މަޝްރޫއު ފުށިދިއްގަރުފަޅަށް ބަދަލުކުރަން ސަރުކާރުން ނިންމައިފި އެވެ. 

ރައީސުލްޖުމްހޫރިއްޔާ ޑރ.މުހައްމަދު މުއިއްޒު ޗައިނާއަށް ކުރެއްވި ފުރަމާނަ ދަތުރުފުޅަށްފަހު އިއުލާނުކުރެއްވި މި މަޝްރޫއު ހިންގަން އެއިރު ނިންމާފައި އޮތީ އިންޑިޔާއާއެކު ރައީސް އިބްރާހީމް މުހައްމަދު ސޯލިހުގެ ސަރުކާރުގައި ސިފައިންގެ މަރުކަޒެއް ގާއިމުކުރަން ނިންމާފައި އޮތް އުތުރުތިލަފަޅުގަ އެވެ. 

އެ މަޝްރޫއު ހިންގުމަށް ނިންމާފައިވަނީ ސަރުކާރު ގިނަ ކުންފުނިތައް ހިމެނިގެން އެކުލަވައިލާފައިވާ ކުންފުންޏަކުންނެވެ. އެ ކުންފުނީގެ މައި ހިއްސާދާރަކީ ދައުލަތުގެ މައި ވިޔަފާރި ކުންފުނި ސްޓޭޓް ޓްރޭޑިން އޯގަނައިޒޭޝަން (އެސްޓީއޯ)އެވެ. 

އޮންލައިން ނޫސް "ދައުރު"އަށް ދެއްވި ބަސްދީގަތުމެއްގައި އެސްޓީއޯގެ މެނޭޖިން ޑިރެކްޓާވަނީ އެ މަޝްރޫއު ފުށިދިއްގަރުފަޅަށް ބަދަލުކުރަން ނިންމިކަން ހާމަކުރައްވާފަ އެވެ. ނަމަަވެސް އެގޮތަށް ސަރުކާރުން ނިންމި ސަބަބެއް އޭނާ ހާމަނުކުރައްވަ އެވެ. 

މި ބަދަލު ގެނައި ސަބަބު ސަރުކާރުން ހާމަނުކުރި ނަމަވެސް އުތުރުތިލަފަޅުގައި އިންޑިޔާއާ ގުޅިގެން ހިންގަމުން އައި އަސްކަރީ މަރުކަޒު ތަރައްގީކުރުމުގެ މަޝްރޫއު ކުރިއަށްގެންދިއުމާ ގުޅޭ ގޮތުން އިންޑިޔާއަށް ރައީސް މުއިއްޒު ކުރެއްވި ދަތުރުފުޅުގައި މަޝްވަރާކުރެވުނެވެ. ނަމަވެސް އެކަމުގައި ވަކި ގޮތަކަށް އެއްބަސްވިކަން ދެ ގައުމުން ކުރެ އެއްވެސް ގައުމަކުން ހާމަނުކުރެ އެވެ. 

ދަނޑުވެރިކަމުގެ ހާއްސަ އިގުތިސާދީ ސަަރަހައްދެއް ގާއިމުކުރުމަށް މޯލްޑިވްސް އިންޑަސްޓްރިއަލް ޑިވެލޮޕްމެންޓު ފްރީ ޒޯން ކުންފުންޏާާއި ޗައިނާ ހާބާ އިންޖިނިއަރިންގެ މެދުގައި އެއްބަސްވުމެއް ހަދާފައިވެ އެވެ. ނަމަވެސް އެ އެއްބަސްވުމުގައި ވަކި ތަނެއްގައި އެމަސައްކަތްކުރަން ކަނޑައެޅިކަން ހާމަކޮށްފައިނުވެ އެވެ. 

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.