ވިއްސާރާގައި 10 ރަށެެއްގެ 110 ގެއަށް ގެއްލުން؛ 1.1 މިލިއަނަށް އަރާ

ފާއިތުވި ނޮވެންބަރު މަހު ރާއްޖޭގެ އެކި ކަންކޮޅުތަކަށް ކުރި ވިއްސާރާގައި 10 ރަށަކުން 110 ގެއަކަށް ލިބުނު ގެއްލުމުގެ އަގު 1.1 މިލިއަނަށް އަރާކަމަށް ނޭޝަނަލް ޑިޒާސްޓާ މެނޭޖުމެންޓު އޮތޯރިޓީން ބުނެފި އެވެ. 

މިއަދު އެ އޮތޯރިޓީން އާންމުކުރި މައުލޫމާތުތަކަށް ބަލާއިރު އެންމެ ގިނަ އަދަދެއްގެ ގެދޮރަށް މި ވިއްސާރައިގެ ސަބަބުން ގެއްލުންވީ ޅ.ކުރެންދޫއިންނެވެ. އެ ރަށުގެ 97 ގެއަކަށް އެކިވަރުގެ ގެއްލުން ލިބިފައިވާކަމަށް އެންޑީއެމްއޭއިން ބުނެފައިވެ އެވެ. 

އެންޑީއެމްއޭއިން ބުނެފައިވާ ގޮތުގައި ވިއްސާރާގައި ގެއްލުންވި ގެތަކަކީ: 

އެ އޮތޯރިޓީން ބުނި ގޮތުގައި ވިއްސާރާގއި މި ގެތަކަށް ލިބުނު ގެއްލުމުގައި އިމާރަތަށާއި ހިފައިގެންގުޅޭ ތަކެއްޗަށް ލިބުނު ގެއްލުންތަކުގެ ޖުމްލަ އަގު 1.1 މިލިއަން ރުފިޔާއަށްވުރެ މަތިވާނެ ކަމަށެވެ. އަދި އެންމެ ބޮޑޫ ގެއްލުމެއް ލިބުނީ ޅ.ކުރެންދޫއަށް ކަމަށެވެެ. 

އަދި މިހާރު އެ ގެތަކަށް ލިބުނު ގެއްލުން ވަޒަންކުރުމަށްފަހު، ކާރިސާތަކުގައި އިންސާނީ އެހީތެރިކަން ފޯރުކޮށްދިނުމާއި ކާރިސާތަކުން ލިބޭ ގެއްލުންތަކަށް އެހީދިނުމާ ބެހޭ ގަވާއިދުގެ ދަށުން އެހީތެރިކަން ފޯރުކޮށްދިނުމަށް މިހާރުވާނީ ހުށަހަޅާފައިކަމަށްވެސް އެ އޮތޯރިޓީން ބުންޏެވެ.