މިހާރު ނަގާނީ ބޮޑުކުރި ފުރާ މީހުންގެ ޓެކުހާއި އޭޑީސީ ފީ
ފުރާ މީހުންގެ ޓެކްސް ދިވެހިންގެ އަތުން ބޮޑެއް ނުކުރެ އެވެ. ހުރިހާ ފީއެއް ބޮޑުކޮށްފައިވަނީ ބިދޭސީންގެ އަތުންނެވެ.
މިހާރު ނަގާނީ ބޮޑުކުރި ފުރާ މީހުންގެ ޓެކްސް ނުވަތަ ޑިޕާޗާ ފީ އާއި އެއާޕޯޓް ތަރައްގީ ކުރަން ނަގާ ފީ އެއާޕޯޓް ޑިވްލޮޕްމަންޓް ފީ (އޭޑީސީ) އެވެ.
އަންނަ އަހަރުގެ ބަޖެޓަށް އާމްދަނީ ހޯދަން ސަރުކާރުން އެއާޕޯޓު ޑިވެލޮޕްމެންޓް ފީ އާއި ޑިޕާޗާ ޓެކްސް އަށް ބަދަލު ގެނެސްފަވަނީ އިއްޔެއިން ފެށިގެންނެވެ.
މި ބަދަލާއެކު އިކޮނޮމީ ކްލާހުގައި ރާއްޖެ އިން ބޭރަށް ދަތުރުކުރާ ދިވެހިންގެ އަތުން ނަގާ ޓެކުހަށް ބަދަލެއް ގެނެސްފައެއް ނުވެ އެވެ. ނަމަވެސް ބިދޭސީންގެ އަތުން ނަގަމުން އައި ފީ ވަނީ 30 ޑޮލަރުން 50 ޑޮލަރަށް ބަދަލު ގެނެސްފަ އެވެ. މީގެ އިތުރުން އަދި ބިޒްނަސް ކްލާހުގައި ދަތުރު ކުރާ ދިވެހިންނާއި ބިދޭސީންގެ އަތުން ނަގާ ފީ ވެސް 120 ޑޮލަރަށް ބޮޑުކޮށް ފަސްޓް ކްލާހުގައި ދަތުރުކުރާ މީހުންގެ އަތުން ނަގާ ފީ 240 ޑޮލަރަށް ވަނީ ބޮޑުކޮށްފަ އެވެ. އަދި ޕްރައިވެޓް ޖެޓުތަކުން ދަތުރުކުރާ މީހުންގެ އަތުން ނަގާ ފީ 480 ޑޮލަރަށް ވަނީ މަތިކޮށްފަ އެވެ.
އޭޑީސީ އާއި ފުރާ މީހުންގެ ޓެކުހަށް ގެނައި ބަދަލު
- އިކޮނޮމީ ކްލާސް (ބިދޭސީން) ކުރިން 30 ޑޮލަރު މިހާރު 50 ޑޮލަރު
- ބިޒްނަސް ކްލާސް (ދިވެހިންނާއި ބިދޭސީންނަށް) ކުރިން 60 ޑޮލަރު މިހާރު 120 ޑޮލަރު
- ފަސްޓް ކްލާސް (ދިވެހިންނާއި ބިދޭސީންނަށް) ކުރިން 90 ޑޮލަރު މިހާރު 240 ޑޮލަރު
- ޕްރައިވެޓް ޖެޓް (ދިވެހިންނާއި ބިދޭސީންނަށް) ކުރިން 120 ޑޮލަރު މިހާރު 480 ޑޮލަރު
ސަރުކާރުން ވަނީ މި ގެނައި ބަދަލާއެކު ޖުމްލަ އާމްދަނީ އަށް 1.5 ބިލިއަން ރުފިޔާ އިތުރުވާނެ ކަމަށް އަންދާޒާ ކޮށްފަ އެވެ.
ކޮމެންޓް
Republic of Maldives