ރަމީލާ އިސްތިއުފާ ދެއްވުމުން ވަގުތީ ގޮތުން މިނިސްޓްރީ ހިންގުން މާރިޔާއަށް

ރަމީލާ އުޅުއްވަނީ ކެންސަރުގެ އާލާސްކަންފުޅެއްގ އެވެ. މަގާމާ ހަވާލުވެވަޑައިގެން ކުޑަ ދުވަސްކޮޅެއްގެ ތެރޭގައި ފަރުވާ އަށް ރާއްޖޭން ބޭރަށް ވެސް ވަޑައިގެންނެވި އެވެ.

މިނިސްޓަރު މާރިޔާ އަދި ކުރީގެ މިނިސްޓަރު ރަމީލާ

މިނިސްޓްރީ އޮފް އެގްރިކަލްޗާ އެންޑް އެނިމަލް ވެލްފެއާ ހިންގެވުން ވަގުތީގޮ ތުން މިނިސްޓާ އޮފް ހަޔާ އެޑިޔުކޭޝަން، ލޭބާ އެންޑް ސްކިލްސް ޑިވެލޮޕްމަންޓް، ޑރ. މަރްޔަމް މާރިޔާ އާ ހަވާލުކުރައްވައިފި އެވެ.

ރަައީސުލްޖުމްހޫރިއްޔާގެ އޮފީހުން ބުނީ ސިއްހީ ހާލުކޮޅު ހުރިގޮތުން ޑރޒ އާއިޝަތު ރަމީލާ، މިނިސްޓާ އޮފް އެގްރިކަލްޗާ  އެންޑް އެނިމަލް ވެލްފެއާގެ މަގާމުން މިއަދު އިސްތިއުފާ ދެއްވާފައިވާތީ، އެ މަގާމަށް ބޭފުޅަކު އައްޔަނުކުރެވެންދެން އެ މިނިސްޓަރީ ވަގުތީ ގޮތުނަ ހިންގެވުން މިނިސްޓާ އޮފް ހަޔާ އެޑިޔުކޭޝަން، ލޭބާ އެންޑް ސްކިލްސް ޑިވެލޮޕްމަންޓް، ޑރ. މަރްޔަމް މާރިޔާ އާއި ރައީސުލްޖުމްހޫރިއްޔާ ޑރ. މުހައްމަދު މުއިއްޒު، މިރޭ ހަވާލު ކުރައްވައިފި ކަމަަށެވެ.

ރައީސް އޮފީހުން މިއަދު ނެރުނު ނޫސް ބަޔާނެއްގައި ބުނެފައި ވަނީ މިނިސްޓަރު ރަމީލާ މަގާމުން އިސްތިއުފާ ދެއްވީ ސިއްހީ ހާލުކޮޅު ހުރި ގޮތުން ކަމަށެވެ. އަދި އެކަމަނާގެ އިސްތިއުފާ، ރައީސް ޑރ. މުހައްމަދު މުއިއްޒު ބަލައިގެންފައިވާ ކަމަށް ވެސް އެ ބަޔާނުގައިވެ އެވެ.

މިނިސްޓަރު ރަމީލާ އުޅުއްވަނީ ކެންސަރުގެ އާލާސްކަންފުޅެއްގަ އެވެ. މަގާމާ ހަވާލުވެވަޑައިގެން ކުޑަ ދުވަސްކޮޅެއްގެ ތެރޭގައި ފަރުވާ އަށް ރާއްޖޭން ބޭރަށް ވެސް ވަޑައިގެންނެވި އެވެ. އެކަމަނާގެ އާލަސްކަންފުޅު އެކަމަނާ ފުރަތަމަ ހާމަ ކުރެއްވެވީ ފޭސްބުކް ޕޯސްޓެއް މެދުވެރިކޮށް ނޮވެމްބަރު 29، 2023 ވަނަ ދުވަހު އެވެ.

އެ ޕޯސްޓުގައި އެ ކަމަނާ ވިދާޅުވެފައި ވަނީ ކެންސަރު ބަލީގެ އާލަސްކަންފުޅެއްގައި އުޅުއްވާކަމަށާއި އެ ބަލި މިހާރު ހުރީ އެޑްވާންސް ސްޓޭޖުގައި ކަމަށެވެ. ނަމަވެސް އެކަމަނާ ތަހައްމަލު ކުރައްވަނީ ކެންސަރުގެ ކޮން ބާވަތެއް ކަން ހާމަ ކުރައްވާފައެއް ނުވެ އެވެ.

ހައިޕަތާމިކް އިންޓްޕެރިޓޮނިއަލް ކިމޯތެރަޕީ އަދި ރޭޑިއޭޝަން ނެގުމަށް އޭރު ރާއްޖޭން ބޭރަށް ވަޑައިގަތުމަށްފަހު އެނބުރި ރާއްޖެ ވަޑައިގެންފައި ވަނީ މިއަހަރުގެ ފެބްރުއަރީ މަހުގެ ކުރީ ކޮޅު އެވެ. އެއަށްފަހު މިނިސްޓަރުގެ ޒިންމާތަކާ ހަވާލުވެވަޑައިގެން ވަރަށް އެކްޓިވްކޮށް ވެސް އުޅުއްވި އެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.