އެފްޑީސީން 13،000 ހައުސިން ޔުނިޓް ހަދަނީ

ހަމްދާން ވިދާޅުވި ގޮތުގައި ކުންފުނީގެ މިހާރުގެ އަމާޒަކީ 13،000 ހައުސިން ޔުނިޓްގެ މަސައްކަތް ވީހާވެސް އަވަހަށް ފެށުމެވެ.

އެފްޑީސީގެ އެމްޑީ ހަމްދާން ޝަކީލް

ފަހި ދިރިއުޅުން ކޯޕަރޭޝަން (އެފްޑީސީ) އިން 13،000 ހައުސިން ޔުނިޓް އެޅުމުގެ މަސައްކަތް ކުރަމުންދާ ކަމަށް އެ ކުންފުނިން ބުނެފި އެވެ.

އެފްޑީސީގެ މެނޭޖިން ޑިރެކްޓަރު ހަމްދާން ޝަކީލް ވިދާޅުވި ގޮތުގައި އެ ކުންފުނީގެ މިހާރުގެ އަމާޒަކީ 13،000 ހައުސިން ޔުނިޓްގެ މަސައްކަތް ވީހާވެސް އަވަހަށް ފެށުމެވެ.

އެގޮތުން 13،000 ހައުސިން ޔުނިޓް ތަރައްގީ ކުރުމުގެ ފްރޭމްވޯކް އެއްބަސްވުމެއްގައި ސޮއިކޮށްފައިވާ ކަމަށް ހަމްދާން ވިދާޅުވި އެވެ. އެއީ؛

  •  ސްރީލަންކާގެ ކުންފުންޏަކާއެކު 3،000 ހައުސިން ޔުނިޓް
  •  ބޭރުގެ އިތުރު ދެ ކުންފުންޏަކާ އެކު 10،000 ހައުސިން ޔުނިޓް

ހަމްދާން ވިދާޅުވީ ކުރިއަށް އޮތް ދެ މަސްދުވަހުގެ ތެރޭގައި އެ މަޝްރޫއުތައް ކުރިއަށް ގެންދިޔުމުގެ ހުއްދައަށް އެދި ސަރުކާރަށް ހުށައަޅާނެ ކަަމަށެވެ.

އަދި އަމާޒަކީ ކުރިއަށް އޮތް ހަތަރު މަސް ދުވަހުގެ ތެރޭގައި މަޝްރޫއުތައް އިފްތިތާހު ކުރުން ކަމަށް ވިދާޅުވި އެވެ.

ރައީސް މުއިއްޒުގެ އެންމެ ބޮޑު އެއް ވައުދުފުޅަކީ ބޯހިޔާވަހިކަމުގެ މައްސަލައަށް ދާއިމީ ހައްލެއް ހޯދުމެވެ. ދައުރު ނިމޭއިރު ބޯހިޔާވަހިކަން ނެތް އެއްވެސް މީހަކު ނުހުންނާނެ ކަމަށް ރައީސް ވަނީ ތަކުރާރުކޮށް ވިދާޅުވެފަ އެވެ.

ސަރުކާރުގެ 100 ޕަސެންޓް ހިއްސާ އޮންނަ އެފްޑީސީއަކީ މިހާރު 200 މިލިއަންގެ ހިއްސާ އޮންނަ ކުންފުންޏެވެ. އެ ހިއްސާގެ އަގަށްވާ ދެ ބިލިއަން ރުފިޔާގެ ތެރެއިން މިހާތަނަށް ސަރުކާރުން އޮތީ 107 މިލިއަންގެ ހިއްސާ ނުދީ އެވެ.

އެހެންވެ، ފިނޭންސް މިނިސްޓްރީން މިހާރު ވަނީ އެ މިނިސްޓްރީގެ މިލްކުވެރިކަމުގައި އޮތް 19 ބިމެއް އެ ހިއްސާގެ އަގުގެ ގޮތުގައި އެކުންފުންޏަށް ވިއްކާފަ އެވެ. މި ބިންތަކުގެ އަގުގެ ގޮތުގައި ދެ ފަރާތުން އެއްބަސްވެފައި ވަނީ 1.3 ބިލިއަން ރުފިޔާ އެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.