މި އަހަރު އެންމެ ބޮޑު ހަރަދެއް ހިނގީ އެއާޕޯޓަށާއި ބިން ހިއްކުމަށް

އެއާޕޯޓު މަޝްރޫއުތަކަށް 2.3 ބިލިއަން ރުފިޔާ އަދި ބިން ހިއްކުމަށް ދެ ބިލިއަން ރުފިޔާ ޕީއެސްއައިޕީ ބަޖެޓުން ހަރަދުވެފައިވާކަމަަށް ފިނޭންސް މިނިސްޓްރީގެ މާލީ ހިސާބުތަކުން ދައްކަ އެވެ.

ތިލަފުށީ ދެވަނަ ފިޔަވަހީގެ ބިން ހިއްކުން : އަމިއްލަ ފަރާތްތަކުން ހިއްކާ ބިންތަކުން ފީއެއް ނަގަން ދަނީ ތައްޔާރު ވަމުން

މި އަހަރު ސަރުކާރުގެ ޕީއެސްއައިޕީ ބަޖެޓުން އެންމެ ބޮޑު ހަރަދެއް މިހާތަނަށް ހިނގާފައިވަނީ އެއާޕޯޓު މަޝްރޫއުތަކަށާއި ބިން ހިއްކުމަށްކަން ފިނޭންސް މިނިސްޓްރީގެ ހިސާބުތަކުން ދައްކައިފި އެވެ. 

ފިނޭންސް މިނިސްޓްރީން މަހަކު އެއްފަހަރު އާންމުކުރާ ދައުލަތުގެ އާމްދަނީއާއި ހަރަދުގެ ހިސާބުތަކަށް ބަލާއިރު ހިނގަމުންދާ ނޮވެންބަރު މަހުގެ 14 ވަނަ ދުވަހުގެ ނިޔަލަށް ޕީއެސްއައިޕީ މަޝްރޫއުތަކަށް 8.7 ބިލިއަން ރުފިޔާ ވަނީ ހަރަދުވެފަ އެވެ. މި އަހަރުގެ ބަޖެޓުގައި ޕީއެސްއައިޕީ މަޝްރޫއުތަކަށް ހަރަދުކުރަން ކަނޑައަޅާފައިވަނީ 8.9 ބިލިއަން ރުފިޔާ އެވެ. 

ހަރދުކުރި ދާއިރާތަކށް ބަލާއިރު ސިއްހީ ދާއިރާއަށް ޖުމްލަ 100.1 މިލިއަން އަދި ގައުމީ ސަލާމަތާއި އާންމު ހަމަޖެހުން ނެގެހެއްޓުމުގެ ދާއިރާއިން 60.1 މިލިއަން ރުފިޔާ ހަރަދުވެފައިވެ އެވެ. ތިމާވެށި ހިމާޔަތްކުރުމުގެ ދައިރާގެ މަޝްރޫއުތަކަށް 788.9 މިލިއަން ރުފިޔާ ހަރަދުވެފައިވެ އެވެ. 

އެންމެ ބޮޑު ހަރަދެއް ހިނގި ދާއިރާއަކީ ދަތުރުފަތުރުގެ ދާއިރާ އެވެ. އެ ދާއިރާއިން 3.6 ބިލިއަން ރުފިޔާ ހަރަދުވެފައިވެ އެވެ. އެ ދާއިރާގައި ހިމެނޭ ކަންކަމުގެ ތެރެއިން ބަނދަރު ހެދުމުގެ މަޝްރޫއުތަކަށް 288 މިލިއަން އަދި ބުރިޖުގެ މަޝްރޫއަށް 953 މިލިއަން ހަރަދުވިއިރު އެންމެ ބޮޑު ހޭދައެއް ކުރެވިފައިވަނީ އެއާޕޯޓު މަޝްރޫއުތަކަށެވެ. އެ މަޝްރޫއުތަކަށް 2.3 ބިލިއަން ހަރަދުވެފައިވެ އެވެ. 

އޮސީސް އެޅުމާައި ކައުންސިލުތައް ތަރައްގީކުރުމަށް 45.4 މިލިއަން ރުފިޔާ ހަރަދުވިއިރު ހައުސިން މަޝްރޫއުތަކަށް 577.1 މިލިއަން ރުފިޔާ ވަނީ ހަރަދުވެފަ އެވެ. އިޖުތިމާއީ އަދި ދީނީ ހިދުމަތްތަކުގެ ދާއިރާއިން 188 މިލިއަން ހަރަދުވިއިރު އެ ދާއިރާއިން އެންމެ ބޮޑު ހަރަދެއް ހިނގީ ކުޅިވަރު ވަސީލަތްތައް ތަރައްގީކުރުމަށެވެ. އެކަމަށް 114.6 މިލިއަން އަދި މިސްކިތްތަކަށް 54.8 މިލިއަން ހަރަދުވި އެވެ. 

ބިން ހިއްކުމާއި މަގުހެދުމަށް 2.5 ބިލިއަން ރުފިޔާ ހަރަދުވި އެވެ. އެއީ މަގުހެދުމަށް ހަރަދުވި 525.7 މިލިއަން ރުފިޔާއާއި ބިން ހިއްކުމަށް ހަރަދުވި ދެ ބިލިއަން ރުފިޔާ އެވެ. ދަނޑުވެރިކަމުގެ މަޝްރޫއުތަކަށް 93.4 މިލިއަން ރުފިޔާ އަދި އެހެނިހެން ކަންކަމަށް 12.7 މިލިއަން ހަރަދުވެފައިވެ އެވެ. 

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.