ކާރެއްގައި ރޯކޮށްލި ކަމުގެ ތުުހުމަތު އޮތް ދެ މީހުން ބަންދަށް

ކާރެއްގައި ރޯކޮށްލި މައްސަލައެއްގައި ހައްޔަރު ކުރި ދެ މީހުންގެ ބަންދަށް މުއްދަތު ޖަހައިފި އެވެ.

ބުރުޒު މަގުގައި ހުންނަ ސިނަމާލެ 1 ޕާކިން ޒޯނުގައި ޕާކުކޮށްފައި އޮތް ކާރެއްގައި ރޯކޮށްލި ކަމުގެ ތުހުމަތު ގައި ދެ މީހަކު ހައްޔަރުކޮށްފައިވަނީ އިއްޔެ އެވެ. ކާރުގައި ރޯކޮށްލާފައި ވަނީ މިދިޔަ ހޯމަ ދުވަހުގެ 18:25 ހާއިރު އެވެ.

މި މައްސަލައިގައި ކޯޓު އަމުރެއްގެ ދަށުން ހައްޔަރުކޮށްފައި ވަނީ އުމުރުން މ. އަރާރިޔާކުރި، ހާލިދު މަހުމޫދު (35އ) އަދި އދ. މާމިނގިލި، ބުލޫ ވިންޑް، ހަސަން ނަސީމް (31އ) އެވެ.   

ފުލުހުން ބުނީ އެ ދެ މީހުންގެ ބަންދާމެދު ގޮތް ނިންމަން ހާޒިރު ކުރުމުން 15 ދުވަހުގެ ބަންދުގެ މުއްދަތެެއް ދީފައިވާ ކަމަށެވެ.

މި މައްސަލަ ތަހުގީގު ކުރަމުންދާ ކަމަށް ވެސް ފުލުހުން ބުންޏެވެ.