އެކައުންޓް ހެކްކޮށް ހިންގި ސްކޭމް: ފުލުސް މީހާގެ ބައިވެރިވުމެއް ނެތް
އެ ސްކޭމް ގައި ތިން މީހެއްގެ ޖުމްލަ 101000 ރުފިޔާ ހޯދާފައިވާ ކަމަށާ އެ ފައިސާ ބޭންކު އެކައުންޓް ކޮމްޕޮރޮމައިޒް ވެފައިވާ އެކައުންޓަކަށް ޖަމާކޮށްފައެވެ.
އަންހެނެއްގެ ފޭސްބުކް އެކައުންޓް ހެކްކޮށްގެން ފައިސާ ހޯދި މައްސަލާގައި ފުލުހެއްގެ ބައިވެރިވުން އޮތް ކަމަށް ފާހަގަވެފައި ނެތް ކަމަށް ފުލުހުން މިރޭ ބުނެފި އެވެ.
ވައިބާ އެކައުންޓް ކޮމްޕޮރޮމައިޒް ކޮށްގެން އެމީހާ ދަންނަ އެތައް ބަޔަކަށް މެސެޖުކޮށްގެން ލައްކައަކަށް ވުރެ ގިނަ ރުފިޔާ ހޯދި މި ސްކޭމްގައި ފުލުހެއްގެ ބައިވެރިވުން އޮތް ކަމަށް ބުނެ ފުލުސް މީހާއާ އޭނާގެ އަންހެނުންގެ ފޮޓޯއާ މައުލޫމާތު ހިމަނައިގެން ބަޔަކު ދަނީ ޕޯސްޓްތަކެއް ކުރަމުންނެވެ.
ފުލުސް މީހާ ވަނީ އެ ތުހުމަތު ދޮގުކޮށް މައްސަލަ ފުލުހަށް ހުށައަަޅާފަ އެވެ.
ފުލުހުން މިރޭ ބުނީ އެ ސްކޭމް ގައި ތިން މީހެއްގެ ޖުމްލަ 101000 ރުފިޔާ ހޯދާފައިވާ ކަމަށާ އެ ފައިސާ ބޭންކު އެކައުންޓް ކޮމްޕޮރޮމައިޒް ވެފައިވާ އެކައުންޓަކަށް ޖަމާކޮށްފައިވާ ކަމަށެވެ. އަދި ފައިސާގެ ތެރެއިން 5600 ރުފިޔާ ފައިސާ ދައުރުވި އެކައުންޓްތަކުން އެކައުންޓެއްގައި ހޯލްޑްވެފައިވާ ކަމަށެވެ.
އެ މައްސަލާގައި ފުލުހަކަށް ތުހުމަތު ކުރި ނަމަވެސް އެ މީހާގެ އެއްވެސް ބައިވެރިވުމެއް އެކަމުގައި އޮތްކަން މިހާތަނަށް ފާހަގަވެފައި ނެތް ކަމަށް ވެސް ބުންޏެވެ. އަދި ފައިސާ ޖަމާކޮށްފައި ވަނީ އެ ފުލުސް މީހާގެ އަންހެނުންގެ ނަމުގައި އޮތް އެކައުންޓަކަށް ވިޔަސް އެ އެކައުންޓް އެހެން ބައެއްގެ ކޮންޓްރޯލްގެ ދަށަށް ގެންގޮސްފައިވާކަން ފާހަގަ ކުރެވިފައިވާ ކަމަށެވެ.
މައްސަލައިގެ ތަހުގީގުގެ ކޮންމެ ހިސާބަކުން ނަމަވެސް ފުލުހެއްގެ ބައިވެރިވުން އޮތް ނަމަ ފިޔަވަޅު އަޅާނެ ކަމަށް ވެސް ބުންޏެވެ. އަދި ބުނީ މައްސަލަ ތަހުގީގުކޮށް ގެއްލުނު ފައިސާ ހޯދުމުގެ މަސައްކަތް ކުރަމުން އަންނަ ކަމަށެވެ.
ކޮމެންޓް
Republic of Maldives