މާފުށި ކައުންސިލުން ޑަބްލިއުޓީއެމްގައި ބައްދަލުކުރި އެޖެންޓުން ޓޫރިސްޓުން ފޮނުވަން ފަށައިފި
ކައުންސިލުން ބައްދަލު ކުރި އެޖެންޓުން ވަނީ އެ ރަށަށް 20 ޓޫރިސްޓުން ފުރަތަމަ ބުރުގައި ފޮނުވާފަ އެވެ.
މާފުށި ކައުންސިލުން ލަންޑަން ޑަބްލިއުޓީއެމްގައި ބައްދަލުކުރި ޓްރެވަލް އެޖެންޓުން މާފުއްޓަށް ޓޫރިސްޓުން ފޮނުވަން ފަށައިފި އެވެ.
މާފުށި ކައުންސިލުންވަނީ ދުނިޔޭގެ އެންމެ ބޮޑު ޓްރެވަލް ފެއާ ކަމަށްވާ ލަންޑަން ޑަބްލިއުޓީއެމްގައި ބައިވެރިވެ މާފުށި އިސްތިހާރުކޮށްފަ އެވެ. އެ ފެއާގައި ކައުންސިލުން ބައްދަލު ކުރި ޓްރެވަލް އެޖެންޓުން ވަނީ މާފުއްޓަށް ޓޫރިސްޓުން ފޮނުވަން ފަށާފަ އެވެ.
ރާއްޖޭގައި އެންމެ ފުޅަކޮށް ރަށު ޓޫރިޒަމް ތަރައްގީކޮށްފައިވާ ރަށް ކަމަށްވާ މާފުށި ކައުންސިލުން ބުނީ މި ނޮވެމްބަރު މަހު ލަންޑަނުގައި ބޭއްވުނު ވޯލްޑް ޓްރެވަލް މާކެޓުގައި މާފުށީ ކައުންސިލާއި ބައްދަލުކުރި ޓްރެވަލް އޭޖެންޓެއް މެދުވެރިވެގެން 20 ފަތުރުވެރިން ވަނީ މާފުށްޓަށް ވަނީ ފޮނުވާފަ އެވެ.
މާފުއްޓަކީ 2،000 އަށްވުރެ ގިނަ ޓޫރިސްޓު އެނދު ހުރި ރަށެވެ. އަދި މި ރަށަކީ ރާއްޖޭގެ އެއް ރަށަކުން އެންމެ ބޮޑު ޓެކުހެއް ދައުލަތަށް ދައްކާ ރަށެވެ. މާފުށިން ވަނީ ގްރީން ޓެކުހާއި ޖީޖީއެސްޓީ އަދި ޓީޖީއެސްޓީގެ ގޮތުގައި 112 މިލިއަން ރުފިޔާ ވަނީ މިދިޔަ އަހަރު ދައުލަތަށް ދައްކާފަ އެވެ. މި ހިސާބުތައް ދައްކާ ގޮތުގައި މާފުށި ނުހިމަނައި ބަލާނަމަ މި އަދަދު އުޅެނީ 19.5 މިލިއަން ރުފިޔާގަ އެވެ. މާފުށިން އެކަނި 93 މިލިއަން ރުފިޔާ ދައުލަތަށް ދީފައި ވެ އެވެ.
ކޮމެންޓް
Republic of Maldives