ޖޯލި ރިސޯޓުން "ގެ" ވިއްކަނީ | އަގަކީ ފަސް މިލިއަން ޑޮލަރު
ޖޯލިބީން ރިސޯޓުން ވިއްކާ ވިލާތަކުގެ އެއް ކޮޓަރިން ފެށިގެން ހަތަރު ކޮޓަރި ހުރެެ އެވެ.
ރާއްޖެއަކީ އަބަދު ވެސް އަގުބޮޑު މަންޒިލެކެވެ. އެގޮތުގައި އޮންނަ ސަބަަބަކީ މި ފަދަ ޓޫރިޒަމް ޕްރޮޑަކްޓްތަކުގެ ސަބަބުންނެވެ.
ރާއްޖޭގެ ރިސޯޓެއް ކަމަށްވާ ޖޯލިބީން ރިސޯޓުން މިވަނީ ފަސް މިލިއަން ޑޮލަރު ، ގާތްގަނޑަކަށް 77 މިލިއަން ރުފިޔާ އަށް "އަމިއްލަ ގެއެއް" ހޯދުމުގެ ފުރުސަތު ހުޅުވާލާފަ އެވެ.
ވެލާނާ އިންޓަނޭޝަނަލް އެއާޕޯޓް (ވީއައިއޭ) އިން 40 މިނެޓުގެ ރާސްތާގައި އޮންނަ ޖޯލި ބީން ރިސޯޓުން ވިއްކަން ހުޅުވާލާފައިވަނީ އެއް ކޮޓަރިން ފެށިގެން ހަތަރު ކޮޓަރިއާ ދެމެދުގެ ވިލާތަކެވެ. އޭގެ ތެރޭގައި ބީޗް އަދި ވޯޓާ ވިލާ ވެސް ހިމެނެ އެވެ. މި ތަންތަން ބޭނުން ބަޔަކަށް އަމިއްލަ ގެއެއްގެ ގޮތުގައި ގަތުމުގެ ފުރުސަތު ވަނީ ހުޅުވާލާފަ އެވެ. މިއީ އެތަން ގަންނަ ބައެއްގެ އަމިއްލަ މިލްކެކެވެ.
ޖޯލި ބީން ރިސޯޓުން ވިއްކަން ހުޅުވާލާފައިވާ ތަންތަނުން ކޮންމެ ގެއެއްގެ ބޮޑު މިމުގައި 230-1،700 އަކަފޫޓު ހުރެ އެވެ. އެންމެ ހިތްގައިމު ޒަމާނީކޮށް ހަދާފައިވާ މި ތަންތަނުގައި ސުވިމިން ޕޫލާއި ސަން ޑެގު ހުރެ އެވެ.
ކޮމެންޓް
Republic of Maldives