ޑޮލަރު މާރުކުރާ ބިލުން ގެންނަ ފަހި ބަދަލުތާއެކު ޑޮލަރު ތިޔާގިވާނެ: ރައީސް

ޑޮލަރުން އާމްދަނީ ލިބޭ ވިޔަފާރިތަކުން ޑޮލަރު ބޭންކުތަކަށް ބާރުކުރަންޖެހޭ ގޮތަށް މަރުކަޒީ ބޭންކު އެމްއެމްއޭއިން އެކުލަވާލާފައިވާ ބިލުގައި ގެންނަ ފަހި ބަދަލުތަކާއެކު ޑޮލަރުގެ ތިޔާގިކަން ރައްޔިތުންނާއި ކުދި އަދި މެދުފަންތީގެ ވިޔަފާރިތަކަށް ލިބޭނެކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެ އެވެ. 

މަރުކަޒީ ބޭންކު އެމްއެމްއޭއިން މިހާރު އެކުލަވައިލާ އަމަލުކުރަމުންދާ މަނީ އެކްސްޗޭންޖު ގަވާއިދަށް ގާނޫނީ ބާރުވެރިކަން ހޯދައިދިނުމަށް މަޖިލީހަށް ފޮނުވުމަށް ބިލެއް އެކުލަވައިލާ އާންމުންނާއި ވިޔަފާރިތަކުގެ ހިޔާލަށް ހުޅުވާލާފައިވަނީ އިއްޔެ އެވެ. 

މިހާރު އަމަލުކުރާ ގަވާއިދުގައިވެސް އޮންނަ ގޮތަށް ރިސޯޓުތަކުން 500 ޑޮލަރު މާރުކުރަންޖެހުމާއެކު، ފަތުރުވެރިކަމުގެ ވިޔަފާރިތައް ނޫން އެހެނިހެން ވިޔަފާރިތަކުގެ ތެރެއިން އަހަރަކު 20 މިލިއަން ޑޮލަރަށްވުރެ މަދުނޫން އާމްދަނީއެއް ލިބޭ ހުރިހާ ވިޔަފާރިތަކުން ބޭރު ފައިސާގެ އާމްދަނީ ބޭންކުތަކަށް ޖަމާކުރުމާއެކު އާމްދަނީގެ 25 އިންސައްތަ މާރުކުރަންޖެހޭ ގޮތަށް ބިލުގައި ހިމަނާފައިވެ އެވެ. 

500 ޑޮލަރު މާރު ކުރަންޖެހޭ ގޮތަށް ބޭރު ފައިސާއާއި ބެހޭ ބިލުގައި އޮތުމަކީ ވަރަށް ރަނގަޅު ކަމެއް. އެކަމަށްޓަކައި އެމްއެމްއޭއަށް ޝުކުރުދަންނަވަން. އަދި 17 ނޮވެމްބަރ 2024 ގައި އަޅުގަނޑު ދެންނެވި ފަދައިން ގަވައިދު ތަންފީޒުކުރުން ވަރުގަދަ ކުރުމަށްޓަކައި އެމްއެމްއޭ އިން އިސްނަގައިގެން…

— Dr Mohamed Muizzu (@MMuizzu) November 27, 2024

އެ ބިލާ ގުޅިގެން އެކްސްގައި ކުރެއްވި ޕޯސްޓެއްގައި ރައީސް ވިދާޅުވީ ރިސޯޓުތަކުން 500 ޑޮލަރު މާރުކުރަންޖެހޭ ގޮތަށް ބޭރު ފައިސާއާ ބެހޭ ބިލުގައި އޮތުމަކީ ރަނގަޅު ކަމެއް ކަމަށާއި، އެކަމަށްޓަކައި އެމްއެމްއޭއަށް ޝުކުރު އަދާކުރައްވާ ކަމަށެވެ. 

އަދި އެމަނިކުފާނު 17 ނޮވެންބަރުގައި ސަރުކާރަށް އަހަރު ފުރުމާ ގުޅިގެން ބޭއްވި ރަސްމިއްޔާތުގައި ވިދާޅުވި ފަދައިން ގަވާއިދު ތަންފީޒުކުރުން ވަރުގަދަކުރުމަށް އެމްއެމްއޭއިން އިސްނަގައިގެން ބޭރު ފައިސާއާ ބެހޭ ގާނޫނެއް އެކުލަވައިލުމަކީ މުހިއްމު ކަމެއް ކަމުގައި ދެކެވަޑައިގަންނަވާ ކަމަށް ވިދާޅުވި އެވެ. އެ ގާނޫނުގެ ސަބަބުން ރިސޯޓުތަކަށް އަންނަ ކޮންމެ ޓޫރިސްޓަކަށް 500 ޑޮލަރު މާރުކުރެވިގެންދާނެ ކަމަށްވެސް ރައީސް ވިދާޅުވި އެވެ. 

އަދި އެ ބަދަލުގެ ސަބަބުން ރައްޔިތުންނަށާއި ކުދި އަދި މެދުފަންތީގެ ވިޔަފާރިތަކަށް ޑޮލަރުގެ ތިޔާގިކަން ލިބިގެންދާނެ ކަން ފާހަގަަކުރައްވައި، އެ ސިޔާސަތާ ގުޅިގެން ކުރިއަށް އޮތް ތަނުގައި ގެނެވިގެންދާނެ ބަދަލުތަކުގެ ގޮތުގައި ނޮވެންބަރު 17 ވަނަ ދުވަހު ފާހަގަކުރެއްވި ބައެއްކަންކަން ރައީސް މިއަދުވެސް ފާހަގަކުރެއްވި އެވެ. އެއީ: 

އޭގެ އިތުރަށް ރައްޔިތުންގެ ލާބައާއި މަންފާއަށް ސަރުކާރުން އަޅަމުންދާ މިފަދަ ހުރިހާ ފިޔަވަޅުތައް ތަންފީޒުކުރުމުގައި ރައްޔިތުންގެ ފަރާތުން ލިބޭ އެއްބާރުލުން ފާހަގަކުރައްވައި ރައީސްވަނީ ދިވެހި ރައްޔިތުންނަށް ޝުކުރު އަދާކުރައްވާފަ އެވެ.