"ޑިސެންބަރު 15 ގައި މަޖިލިސް ރިސެސްއަށް ދާނީ އިސްރާއީލު ޕާސްޕޯޓު ބިލާމެދު ގޮތެއް ނިންމާފަ"

އްމަދު ވިދާޅުވީ މަޖިލިސް ރިސެސްއަށް ދާނީ އަންނަ ޑިސެންބަރު 15 ވަނަ ދުވަހު ކަމަށާއި، ރިސެސްއަށް ދިއުމުގެ ކުރިން ބިލުގެ މަސައްކަތް ނިންމަން ރައީސުލްޖުމްހޫރިއްޔާ ޑރ.މުހައްމަދު މުއިއްޒު މަޖިލިސް މެންބަރުންނަށް އިރުޝާދު ދެއްވާފައިވާ ކަމަށެވެ.

ވިލިމާލެ ދާއިރާގެ މެންބަރު މުހައްމަދު އިސްމާއީލް، ފޮޓޯ: މަޖިލިސް

ރައްޔިތުންގެ މަޖިލިސް މި ދައުރު ޗުއްޓީއަށް ދިއުމުގެ ކުރިން މިހާރު މަޖިލީހުގައި އޮތް އިސްރާއީލު ޕާސްޕޯޓު މަނާކުރުމުގެ ބިލާމެދު ގޮތެއް ނިންމާނެ ކަމުގައި ވިލިމާލޭ ދާއިރާގެ މެންބަރު މުހައްމަދު އިސްމާއީލު ވިދާޅުވެއްޖެ އެވެ. 

މަޖިލީހުގައި ސުޕަމެޖޯރިޓީ އޮންނަ ޕީއެންސީއަށް ނިސްބަތްވެވަޑައިގަންނަވާ މުހައްމަދު މިފަދައިން ވިދާޅުވީ ފަލަސްތީނު މައްސަލާގައި އެންމެ އަޑުއަހަރުކޮށް ވަކާލާތުކުރައްވާ ޑރ.ޝަޒްރާ އިބްރާހީމް މަޖިލިސް ބޭރުން މެންބަރާ ބައްދަލުކުރައްވައި ކުރެއްވި ސުވާލުތަކަކަށް ޖަވާބުދެއްވަމުންނެވެ. 

މުހައްމަދު އިސްމާއީލު ވިދާޅުވީ އިސްރާއީލުގެ ޕާސްޕޯޓު މަނާކުރުމަކީ ކުޑަ ކަމެއް ނޫން ކަމަށެވެ. އެއީ ރާއްޖެ ފަދަ ކުޑަ ގައުމަކުން އަޅާނެ ވަރަށް ބޮޑު ފިޔަވަޅެއްކަމުގައި ފާހަގަކުރައްވައި އޭނާ ވިދާޅުވީ އެކަން ކުރަންވާނީ އެކަމުން ނުކުމެދާނެ އަސަރުތައް ރަނގަޅަށް ބެލުމަށްފަހު ކަމަށެވެ. 

އަދި އެވަރުގެ ބޮޑު ނިންމުމެއް ނިންމުމުގެ ކުރިން ޓޫރިޒަމް ސިނާއަތް ހިމެނޭހެން ވަރަށް ގިނަ ފަރާތްތަކާ މަޝްވަރާކޮށް، ގައުމަށް އަދި އިގުތިސާދަށް އެންމެ ލޮޅުން ކުޑަވާނެ ގޮތްތަކަކަށް ބަލައިގެން އެކަންކުރަންޖެހޭ ކަމަށްވެސް މުހައްމަދު ވިދާޅުވި އެވެ. 

"ތިއީ ވަރަށް ބޮޑު ކަމެއް. ތިއީ ކުޑަ ކަމެއް ނޫން. ތިވަރުގެ ބޮޑު ޑިޒިޝަނެއް އަޅުގަނޑުމެން ކަހަ ކުޑަ ގައުމަކުން ނަގާއިރު ވަރަށް ގިނަ ފަރާތްތަކާ ޑިސްކަސް ކުރަންޖެހޭ. ޓޫރިޒަމާ ޑިސްކަސްކުރަންޖެހޭ، މަޓީއާ ޑިސްކަސްކުރަންޖެހޭ،" މެންބަރު ވިދާޅުވ އެވެ. 

"އަޅުގަނޑުމެން ބައިވަރު ފަރާތްތަކާ ޑިސްކަސްކޮށްފަ އޭގެ ތެރެއިން ގައުމަށް އެންމެ ލޮޅުން ކުޑަ އެންމެ އިގުތިސާދީ ގޮތުން ކުޑަ ގޮތަކަށް އެކަންކުރަން އަޅުގަނޑުމެން ކޮމިޓީން މަސައްކަތްކުރަނީ އަދި ސަރުކާރުންވެސް ބޭނުންވަނީ،" 

އިތުރަށް މުހައްމަދު ވިދާޅުވީ މަޖިލިސް ރިސެސްއަށް ދާނީ އަންނަ ޑިސެންބަރު 15 ވަނަ ދުވަހު ކަމަށާއި، ރިސެސްއަށް ދިއުމުގެ ކުރިން ބިލުގެ މަސައްކަތް ނިންމަން ރައީސުލްޖުމްހޫރިއްޔާ ޑރ.މުހައްމަދު މުއިއްޒު މަޖިލިސް މެންބަރުންނަށް އިރުޝާދު ދެއްވާފައިވާ ކަމަށެވެ. 

އެ ބިލު ލަސްވެގެން ޑރ.ޝަޒްރާ ކުރެއްވި ސުވާލަށް ޖަވާބުދެއްވަމުން މުހައްމަދު އިސްމާއީލު ވިދާޅުވީ އިސްރާއީލުން ފަލަސްތީނު ރައްޔިތުންނާމެދު ގަތުލު އާންމު ހިންގާތާ ޒަމާނެއް ވެފައިވާ ކަމަށެވެ. ނަމަވެސް ރައީސް މުއިއްޒުހާ އަޑުހަރުކޮށް އެ މައްސަލައާމެދު ދިވެހި އެހެން ވެރިޔަކު ބައިނަލްއަގުވާމީ މަސްރަހުގައި އަޑުއުފުއްލަވާފައިނުވާ ކަމަށެވެ. 

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2025 Mi. All rights reserved.