މަޖިލީހުގެ އިދާރާގެ އެންމެ އިސް ތިންވެރިން މަގާމުގައި ބޭތިއްބުމާމެދު ވޯޓަށް އަހަނީ
މަޖިލީހުގެ ރައީސް ވިދާޅުވީ އެމަނިކުފާނު ނިންމަވާފައިވަނީ މަޖިލީހުގެ އިދާރާގެ އެންމެ އިސް ތިން މަގާމުގައި މިހާރުވެސް ތިއްބެވި ތިން ބޭފުޅުން އެ މަގާމުތަކުގައި ބޭތިއްބުމާމެދު ގޮތެއް މިއަދުގެ ޖަލްސާގައި ނިންމުމަށް ކަމަށެވެ.
ރައްޔިތުންގެ މަޖިލީހުގެ އިދާރާގެ އެންމެ އިސް ތިންވެރިންކަމަށްވާ މަޖިލީހުގެ އަމީން އާންމާއި ކައުންސެލް ޖެނެރަލް އަދި މަޖިލީހުގެ ސާޖެންޓް އެޓް އާމްސްގެ މަގާމުގައި މިހާރުވެސް ތިއްބެވި ބޭފުޅުން އެ މަގާމުތަކުގައި ބޭތިއްބުމާމެދު ވޯޓަށް އަހަން މަޖިލީހުގެ ރިޔާސަތުން ނިންމަވައިފި އެވެ.
މަޖިލީހުގެ ރައީސް އަބްދުއްރަހީމް އަބްދުﷲ މިއަދުގެ ޖަލްސާގައި ރިޔާސަތުގެ މޭޒުން އިއްވަވާ ކަންކަމުގެ ތެރެއިން މަޖިލީހުގެ އަމީން އާންމާއި ކައުންސެލް ޖެނެރަލް އަދި މަޖިލީހުގެ ސާޖެންޓް އެޓް އާމްސްގެ މަގާމަށް ބޭފުޅުން އައްޔަންކުރުމާމެދު ގޮތެއް ނިންމަން ތާވަލުކޮށްފައި އޮތްކަން އިއުލާނު ކުރެއްވި އެވެ.
މިހާރު މަޖިލީހުގެ އަމީން އާންމުގެ މަގާމުގައި ހުންނެވީ އަލްއުސްތާޛާ ފާތިމަތު ނިއުޝާ އެވެ. މަޖިލީހުގެ ކައުންސިލް ޖެނެރަލްގެ މަގާމުގައި ހުންނެވީ ފާތިމަތު ފިލްޒާ އެވެ. އަދި މަޖިލީހުގެ ސާޖެންޓް އެޓް އާމްސްގެ މަގާމުގައި ހުންނެވީ ރިޓަޔަޑް މޭޖާ ތަލްހަތު ހަސަން އެވެ.
މަޖިލީހުގެ ގަވާއިދުގެ 16 ވަނަ މާއްދާގައި ބުނެފައިވަނީ މަޖިލީހުގެ ހިންގާ ގަވާއިދަށް އަމަލުކުރަން ފަށާތާ ދެ ދައުރު ހަމަވުމުގެ ކުރިން މަޖިލީހުން އެހެން ގޮތަކަށް ކަނޑަނާޅާހާ ހިނދަކު ހިނގަމުންދާ މަޖިލީހުގެ އަމީންއާންމާއި މަޖިލީހުގެ ކައުންސެލް ޖެނެރަލް އަދި ސާޖެންޓް އެޓް އާމްސްގެ މަގާމަށް މީހުން އައްޔަންކުރަންވާނެ ކަމުގައިކަން އަބްދުއްރަހީމް ފާހަގަކުރެއްވި އެވެ.
އެއާއެކު މަޖިލީހުގެ ރައީސް ވިދާޅުވީ އެމަނިކުފާނު ނިންމަވާފައިވަނީ މަޖިލީހުގެ އިދާރާގެ އެންމެ އިސް ތިން މަގާމުގައި މިހާރުވެސް ތިއްބެވި ތިން ބޭފުޅުން އެ މަގާމުތަކުގައި ބޭތިއްބުމާމެދު ގޮތެއް ނިންމުމަށް މިއަދުގެ މަޖިލީހުގެ ޖަލްސާގައި ވޯޓެއް ނެގުމަށް ކަމަށެވެ.
"އަޅުގަނޑު ގަސްތުކުރަނީ 19 ވަނަ މަޖިލީހުގައިވެސް އަމަލުކޮށްފައިވާ ގޮތަށް މިހާރު އެ ތިން މަގާމުގައި ތިއްބެވި ތިން ބޭފުޅުން މަގާމުގައި ބޭތިއްބުމާމެދު ވޯޓަށް އަހަން. މިއަދު ވޯޓު ގަޑީގައި ވޯޓަށް އެހުން އޮންނާނެ،" އަބްދުއްރަހީމް ވިދާޅުވި އެވެ.
ކޮމެންޓް
Republic of Maldives