ބޮޓްސްވާނާގައި އޮތް ބެޑްމިންޓަން މުބާރާތުގެ ފައިނަލަށް ދިޔަ ދެބެއިންނަށް ރައީސްގެ މަރުހަބާ
މި މުބާރާތުގެ ފައިނަލުގައި ކުޅޭ ނަބީހާއާއި ނަބާހާއަކީ އެއްބަނޑު އެއްބަފައި ދެބެއިންނެވެ. އެ ދެބެއިން މުބާރާތުގެ ފައިނަލުން ޖާގަ ކަށަވަރުކުރުމުން މުބާރާތުގެ ރަން މެޑަލް އަދި ރިހި މެޑަލްވެސް ދިވެހިރާއްޖެއަށްވަނީ ކަށަވަރުވެފަ އެވެ.
މިހާރު ބޮޓްސްވާނާގައި ކުރިއަށްދާ ބޮޓްސްވާނާ އިންޓަނޭޝަނަލް ސީރީޒް ބެޑްމިންޓަން 2024 ގެ ސިންގަލްސް ބައިގެ ފައިނަލުގެ ޖާގަތައް ކަށަވަރުކުރި ދިވެހި ދެ ކުޅުންތެރިންކަމަށްވާ އާމިނަތު ނަބީހާ އަދި ފާތިމަތު ނަބާހާއަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު މަރުހަބާ ވިދާޅުވެއްޖެ އެވެ.
މި މުބާރާތަކީ ބެޑްމިންޓަން ވޯލްޑް ފެޑަރޭޝަނުން އިންޓަނޭޝަނަލް ސީރީޒްއެއްގެ ފެންވަރުގައި ކެޓަގަރައިޒްކުރާ މުބާރާތެކެވެ. އަދި މިއީ އެ ގިންތީގެ މުބާރާތެއްގެ ފައިނަލުގައި ދިވެހި ކުޅުންތެރިން ކުޅޭ ފުރަތަމަ ފަހަރެވެ.
މި މުބާރާތުގެ ފައިނަލުގައި ކުޅޭ ނަބީހާއާއި ނަބާހާއަކީ އެއްބަނޑު އެއްބަފައި ދެބެއިންނެވެ. އެ ދެބެއިން މުބާރާތުގެ ފައިނަލުން ޖާގަ ކަށަވަރުކުރުމުން މުބާރާތުގެ ރަން މެޑަލް އަދި ރިހި މެޑަލްވެސް ދިވެހިރާއްޖެއަށްވަނީ ކަށަވަރުވެފަ އެވެ.
ރައީސް އިތުރަށް ވިދާޅުވީ މި މުބާރާތުގައި ދިވެހި ކުޅުންތެރިން ދެ ރަން މެޑައްޔާއި، ރިހި ދެ މެޑައްޔާއި، ހަތަރު ލޯ މެޑަލް ކަށަވަރުކޮށްފައިވާ ކަމަށެވެ. އަދި ކުޅުންތެރިން ދައްކަމުންދަނީ މޮޅު ކުޅުމެއްކަން ފާހަގަކުރައްވައި އެ ކުޅުންތެރިންނާމެދު ފަހުރުވެރިވެވަޑައިގަންނަވާކަމަށް ވިދާޅުވި އެވެ.
ޓީމުގެ ހުރިހާ ކުޅުންތެރިންނަށް ސާބަސް ދެއްވުމާއެކު، ރާއްޖެއަށް މި ޝަރަފު ހޯދައިދިނީތީ ނަބާހާއާއި ނަބީހާއަށް ރައީސްވަނީ ތާރީފުކުރައްވައި މުޅި ޓީމަށް ތަހުނިޔާ ވިދާޅުވެފަ އެވެ.
ކޮމެންޓް
Republic of Maldives