ރަހުނު ނުހިމެނޭ ފައިސާގެ މައްސަލައެއްގައި ކޯޓަށް ހާޒިރުކުރަން މީހަކު ހޯދަނީ

ރަހުނު ނުހިމެނޭ ފައިސާގެ މައްސަލައެއްގައި ކޯޓަށް ހާޒިރުކުރަންޖެހޭ މީހަކު ބަންދުގައި ބަހައްޓައިގެން ހާޒިރުކުރުމަށް ފުލުހުން އިއުލާނުކޮށްފި އެވެ. 

ފުލުހުން ބުނި ގޮތުގައި ސިވިލް ކޯޓަށް ހުށަހަޅާފައިވާ މައްސަލައަކާ ގުޅިގެން ބަންދުގައި ބަހައްޓައިގެން ކޯޓަށް ހާޒިރުކުރުމަށް ފުލުހުންގެ މައްޗަށް ކުރި އަމުރަކާ ގުޅިގެން ހޯދަމުންދަނީ މ.މުލި، ޖޭމުގަސްދޮށުގޭ މުހައްމަދު ވާފިރު (50 އ) އެވެ. 

ފުލުހުން އިތުރަށް ބުނެފައިވަނީ ވާފިރު ހާޒިރުކުރަން ފުލުހުންގެ މައްޗަށް އަމުރު ނެރުނީ ރަހުނު ނުހިމެނޭ ފައިސާގެ ހުކުމެއް ތަންފީޒުކުރުމުގެ މައްސަލައަކާ ގުޅިގެން ކޯޓަށް ހާޒިރުކުރަން ބޭނުންވެގެން ހާޒިރުނުކުރެވިގެން ކަމަށެވެ. 

އެ މައްސަލާގައި ސިވިލް ކޯޓުން ފުލުހުންގެ މައްޗަށް އަމުރުކޮށްފައިވަނީ 25 ނޮވެންބަރު 2024 ވަނަ ދުވަހުގެ 10:00 އަށް ސިވިލް ކޯޓަށް ވާފިރު ހާޒިރުކުރުމަށެވެ. 

ފުލުހުންވަނީ ވާފިރާ ގުޅޭ އެއްވެސް މައުލޫމާތެއް ލިބިފައިވާ މީހަކު ހުރިނަމަ އެ އިދާރާގެ ކަސްޓޯޑިއަލް ނަންބަރު 9991442 އަށް ގުޅައި މައުލޫމާތު ހިއްސާކުރުމަށް އެދިފަ އެވެ.