އެމްޓީސީސީ އިން ހިއްކި ސެންޓާރާ ހޮޓެލްސްގެ ރިސޯޓް ހުޅުވައިފިި
މި ފަޅުގައި ތިން ރަަށް ތަރައްގީ ކުރާނެ އެވެ. މި ފަޅުގެ ރަށްތައް ހިއްކީ އެމްޓީސީސީއިންނެވެ. އެ ކުންފުނިން މި މަސައްކަތް ކުރީ 29.26 މިލިއަން ޑޮލަރަށެވެ.
ސަރުކާރު ކުންފުނި އެމްޓީސީސީ އިން މާލެ އަތޮޅުގައި ހިއްކި ތައިލެންޑުގެ އެންމެ ބޮޑު ހޮޓެލް ޗެއިން ކަމަށްވާ ސެންޓާރާގެ ތިން ރަށުގެ ތެރޭން އެއް ރަށް ހުޅުވައިފި އެވެ.
ސެންޓާރާ ހޮޓެލްސް އެންޑް ރިސޯޓުން މާލެ އަތޮޅު ވައްޓަރުފަޅު ފަރުގައި ތިން ރަށް ހިއްކަން ހަވާލުކުރީ ސަރުކާރުގެ ކުންފުނި އެމްޓީސީއަށެވެ. މި ތިން ރަށް ހިއްކަން އެ ކުންފުންޏަށް ދިނީ 29.26 މިލިއަން ޑޮލަރު (ގާތްގަނޑަކަށް 440 މިލިއަން ރުފިޔާ) އަށެވެ. މި ފަޅުގައި ތިން ރިސޯޓެއް ސެންޓާރާ ކުންފުނިން ވަނީ ތަރައްގީ ކުރަން ފަށާފަ އެވެ. މި ފަޅުގައި ތަރައްގީ ކުރަނީ ސެންޓާރާ މިރާޖް ލެގޫން ރިސޯޓާއި ސެންޓާރާ ގްރޭންޑް ލަގޫން ރިސޯޓް މޯލްޑިވްސް އެވެ. އަދި އަނެއް ރަށަކީ ހިދުމަތްތައް ދޭން ހިއްކި ރަށެކެވެ.
މި ރަށްތަކުގެ ތެރޭން ސެންޓާރާ ކުންފުނިން ވަނީ މިމަހުގެ އެއްވަނަ ދުވަހު މިރާޖް ލެގޫން މޯލްޑިވްސް އެވެ.
މިރާޖް ލެގޫން މޯލްޑިވްސް
- 145 ކޮޓަރީގެ ރިސޯޓެއް
- ލަގްޒަރީ މަތީ ފަންތީގެ ކޮޓަރިތައް ހިމެނޭ
- ވެލްނެސް ސެންޓަރު
- ކިޑްސް ކްލަބް ހުންނާނެ
ސެންޓާރާ ކުންފުނިން ދަނީ މި ފަޅުގައި ތަރައްގީކުރި ސެންޓާރާ ގްރޭންޑް ލަގޫން ރިސޯޓް މޯލްޑިވްސް އަންނަ އަހަރުގެ ކުރީކޮޅު ހުޅުވަން ތައްޔާރު ވަމުންނެވެ.
ކޮމެންޓް
Republic of Maldives