ގާނޫނުއަސާސީއަށް އިސްލާހު ގެންނަ ބިލު ބަލައިގަނެ ކޮމެޓީއަށް
މިއަދު މަޖިލީހަށް ތައާރަފް ކުރި މި ބިލުގެ ބަހުސް ނިންމައި، މުޅި މަޖިލީހުގެ ކޮމެޓީއަށް ވަނީ ފޮނުވާފަ އެވެ. އަދި މިއަދުން މިއަދަށް މަސައްކަތް ނިންމާލުމަށް ކޮމެޓީ ވެސް މިހާރު ވަނީ ފަށާފަ އެވެ.
ޕާޓީ ބަދަލުކުރާ މެންބަރުންގެ ގޮނޑި ގެއްލޭ ގޮތަށް ގާނޫނުއަސާސީއަށް ހުށަހަޅާފައިވާ އިސްލާހުތަކުގެ ބިލު ރައްޔިތުންގެ މަޖިލީހަށް ބަލައިގަނެ، މުޅި މަޖިލީހުގެ ކޮމެޓީއަށް ފޮނުވައިފި އެވެ.
މިއަދު މަޖިލީހަށް ތައާރަފް ކުރި މި ބިލުގެ ބަހުސް ނިންމައި، މުޅި މަޖިލީހުގެ ކޮމެޓީއަށް ވަނީ ފޮނުވާފަ އެވެ. އަދި މިއަދުން މިއަދަށް މަސައްކަތް ނިންމާލުމަށް ކޮމެޓީ ވެސް މިހާރު ވަނީ ފަށާފަ އެވެ.
ސަރުކާރުގެ ފަރާތުން ހުޅުދޫ ދާއިރާގެ މެންބަރު، މުހައްމަދު ޝާހިދު ހުށަހެޅުއްވި މި ބިލު މަޖިލީހަށް ބަލައިގެންފައި ވަނީ 69 މެންބަރުންގެ ވޯޓުންނެވެ. އެ ބިލު ބަލައިގަންނަން ނުފެންނަ ކަމަށް 12 މެންބަރުން ވޯޓު ދެއްވިއިރު، އެއްވެސް ކޮޅަކަށް ވޯޓު ދޭން ނުފެންނަ ކަމަށް އެއް މެންބަރަކު ވަނީ ވޯޓު ދެއްވާފަ އެވެ.
އެ ބިލު މަޖިލީހަށް ބަލައިގަނެ މުޅި މަޖިލީހުގެ ކޮމިޓީއަށް ފޮނުވަން ހުށަހެޅުއްވީ ދިއްގަރު ދާއިރާގެ މެންބަރު އަހުމަދު ނާޒިމް އެވެ. އެގޮތަށް ފާސްކުރީ 71 މެންބަރުންގެ ވޯޓާ އެކު އެވެ.
ގާނޫނުއަސާސީއަށް ގެންނަ އިސްލާހު ތަކަކީ؛
- މެންބަރުން އެހެން ސިޔާސީ ޕާޓީއަކަށް ބަދަލުވުން ގޮނޑި ގެއްލުން
- ޕާޓީން ވަކިކުރުން ނުވަތަ އަމިއްލަ މެންބަރަކު ސިޔާސީ ޕާޓީއަކަށް ސޮއިކުރުމުން ގޮނޑި ގެއްލުން
- ރާއްޖޭގައި އަސްކަރީ ބޭނުމަކަށް ބޭރުގެ ސިފައިން ތިބެވޭނީ އަދި ހަރަކާތްތެރިވެވޭނީ މަޖިލީހުގެ އަގުލަބިއްޔަތުންކަން
މި ބިލު އެއްދުވަސް ނިންމަން މަސައްކަތް ކުރާތީ އިދިކޮޅު ފަރާތްތަކުން ދަނީ ނުރުހުން ފާޅުކުރަމުންނެވެ. އޭގެ ރައްދުގެ ގޮތުގައި ސަރުކާރު މެންބަރުން ވިދާޅުވަނީ 19 ވަނަ މަޖިލީހުގައި ވެސް އެގޮތަށް ކަންކަން ނިންމާފައިވާ ކަމަށެވެ.
ކޮމެންޓް
Republic of Maldives