ބީއެމްއެލްގެ ކުނި މެނޭޖުމެންޓު މަޝްރޫއަށް ހޮވުނު ޖަމްއިއްޔާތައް އިއުލާނުކޮށްފި

ކުނި މެނޭޖުކުރުމުގައި އެހީތެރިވުމަށް ބޭންކް އޮފް މޯލްޑިވްސް (ބީއެމްއެލް)އިން ހިންގަން ނިންމާފައިވާ ހިލޭ އެހީގެ ޕްރޮގުރާމަށް ހޮވުނު ޖަމްއިއްޔާތައް އެ ކުންފުނިން މިއަދު އިއުލާނުކޮށްފި އެވެ. 

ބޭންކުން ހިންގާ "ވޭސްޓު މެނޭޖްމެންޓް ގްރާންޓް ޕްރޮޖެކްޓް"ގެ މަގުސަދަކީ ދެމެހެއްޓެނެވި ގޮތެއްގައި ކުނި މެނޭޖުކުރުމުގެ އާދަތައް ކުރިއެރުވުން ކަމަށް އެ ބޭންކުން ބުނެ އެވެ. އެ މަޝްރޫއުގެ ދަށުން ދޫކުރާ ހިލޭ އެހީ ލިބުނީ ދެ ޖަމްއިއްޔާއަކަށެވެ.

އެ މަޝްރޫއުގެ ދަށުން އެހީ ލިބޭނެ ޖަމްއިއްޔާތައް:

މި ޖަމްއިއްޔާއިން ހިންގަން ނިންމާފައިވާ މަޝްރޫއު ހިންގުމަށް ބީއެމްއެލްއިން ތިން ގްލާސް ކްރަޝާ މެޝިން ފޯރުކޮށްދޭނެ އެވެ. 

އެ ޖަމްއިއްޔާގެ މަޝްރޫއު ހިންގާނީ ކ.ގާފަރާއި، އއ.އުކުޅަަހާއި، އދ.ދިގުރަށުގަ އެވެ. 

ހުޅުމާލޭގައި ހިންގަން ނިންމާފައިވާ މި މަޝްރޫއުގައި ބޭނުންކުރުމަށް އެއް ގްލާސް ކްރަޝާ މެޝިން އަދި އެއް ބޭލާ ފޯރުކޮށްދިނުމަށް ބީއެމްއެލްއިން ނިންމާފައިވެ އެވެ. 

ބީއެމްއެލްއިން ބުނެފައިވާ ގޮތުގައި މި މަސައްކަަތުން ކުނިގޮނޑުތަކަށް އުކައިލެވޭ ކުނީގެ މިންވަރު މަދުކޮށް ކުނި ނައްތައިލުމުގެ ހަރަދު ކުޑަކުރެވި ހަރުދަނާ ގޮތެއްގައި ރީސައިކަލް ކުރުމުގެ މަސައްކަތް ކުރިއެރުވޭނެ އެވެ. 

އެ ބޭންކުން ބުނާ ގޮތުގައި މި މަޝްރޫއަކީ ދެމެހެއްޓެނެވި ތަރައްގީއާއި ތިމާވެށި ރައްކާތެރކުރުން ކުރިއެރުވުމަށް ބީއެމްއެލްއިން ކުރަމުންދާ މަސައްކަތްތަކުގެ ތެރެއިން ހިންގާ މަޝްރޫއެކެވެ.