ޑްރަގް ޓްރެފިކިން މައްސަލައެއްގައި ބެންކޮކުން ދިވެއްސަކު ހައްޔަރުކޮށްފި
އެޕެކޭޖުގައި އޮތް ޕްރޮޓީން ސަޕްލިމެންޓް ދަޅުން މެފެޑްރޯން ވަނީ ފެނިފަ އެވެ. އެ ދަޅުގައި ފޮރުވާފައި ހުރި މަސްތުވާތަކެތީގެ ބަރުދަނުގައި ތިން ކިލޯ ހުއްޓެވެ.
ތައިލެންޑް ނޫސްތަކުން ރިޕޯޓްކޮށްފައިވާ ގޮތުގައި، އެ މީހާ އަތުލައިގަތީ އިނގިރޭސިވިލާތުން ފޮނުވި ޕެކޭޖެއް ކޫރިއާ ފެސިލިޓީއަކުން ނަގަން އުޅެނިކޮށެވެ. އެޕެކޭޖުގައި އޮތް ޕްރޮޓީން ސަޕްލިމެންޓް ދަޅުން ތިން ކިލޯގެ މެފެޑްރޯން ވަނީ ފެނިފަ އެވެ.
ހައްޔަރުކުރި ދިވެހި މީހާގެ ވަނަވަރު ހާމަކޮށްފައެއް ނުވެ އެވެ. ނާކޮޓިކްސް ކޮންޓްރޯލް ބޯޑް (އޯއެންސީބީ) އާ ހަވާލާދީ ނޫސްތަކުން ބުނީ، އެމީހާގެ ވަނަވަރު ހާމަނުކުރީ މި ނެޓްވޯކާ ގުޅުން ހުރި އެހެން މީހުން ދެނެގަތުމުގެ ތަހުގީގު އަދިވެސް ކުރިއަށްދާތީ ކަމަށެވެ.
މި މައްސަލައިގައި ތުހުމަތު ކުރެވޭ އިތުރު ޕެކޭޖުތައް އުޅޭ ކަމަށް ބެލެވޭ ކަމަށް ވެސް އޯއެންސީބީ އިން ބުނެފައިވެ އެވެ.
އޯއެންސީބީއާ ހަވާލާދީ ނޫސްތަކުން ބުނެފައި ވަނީ މިދިޔަ ޖޫން މަހު ވެސް ކޮފީ ކެޕްސޫލްތަކެއްގައި ފޮރުވާފައި ހުރި 840 ގްރާމްގެ މެފެޑްރޯނާ އެކު ރަޝިއާ މީހަކު ހައްޔަރުކޮށްފައިވާ ކަމަށެވެ. ޕޯލެންޑުން ފޮނުވި ޕެކޭޖެކެވެ.
ކޮމެންޓް
Republic of Maldives