އަންނަ އަހަރުގެ ނިޔަލަށް ހުރިހާ އަތޮޅަކުން އައިޑީކާޑާއި ޕާސްޕޯޓު ހެއްދޭނެ ގޮތް ހަދަނީ
މިއަދު އޮތް ޖަލްސާގައި ވަނީ، ދިވެހި ރައްޔިތެއްކަން އަންގައިދޭ ކާޑާއި ޕާސްޕޯޓުގެ ހިދުމަތް މުޅި ރާއްޖެއަށް ފުޅާކުރުމުގެ މަގުޗާޓު ވެސް ހިއްސާ ކޮށްފަ އެވެ.
އަންނަ އަހަރުގެ ނިޔަލަށް ހުރިހާ އަތޮޅަކުން އައިޑީކާޑާއި ޕާސްޕޯޓު ހެއްދޭނެ ގޮތް ހަމަޖައްސަން އެކަމާ ގުޅޭ މަގުޗާޓެއް އެކުވަލާއިފި އެވެ.
ދިވެހި ރައްޔިތެއްކަން އަންގައިދޭ ކާޑާއި ޕާސްޕޯޓު އަވަހަށް ފޯރުކޮށްދިނުމުގެ ހިދުމަތް މުޅި ރާއްޖެއަށް ފުޅާކުރުމުގެ މަސައްކަތް، ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިއަދު ވަނީ އިފްތިތާހު ކުރައްވާފަ އެވެ.
މި މަސައްކަތުގެ ދަށުން މާލެ ސިޓީގެ ހުރިހާ ސަރަހައްދެއްގެ އިތުރުން ލ. އަތޮޅާއި ދ. އަތޮޅަށް މި މަސައްކަތް ވަނީ ފުޅާކޮށްފައެވެ. އެގޮތުން ހުޅުމާލޭ ފުރަތަމަ ފިޔަވައްސާއި ދެވަނަ ފިޔަވައްސާއި ވިލިމާލެ، ދ. ކުޑަހުވަދޫ އަދި ލ. ފޮނަދޫއިން ޕާސްޕޯޓުގެ ހިދުމަތް ފޯރުކޮށްދިނުމުގެ މަސައްކަތް މިއަދު ވަނީ ފަށާފަ އެވެ.
މިއަދު އޮތް ޖަލްސާގައި ވަނީ، ދިވެހި ރައްޔިތެއްކަން އަންގައިދޭ ކާޑާއި ޕާސްޕޯޓުގެ ހިދުމަތް މުޅި ރާއްޖެއަށް ފުޅާކުރުމުގެ މަގުޗާޓު ވެސް ހިއްސާ ކޮށްފަ އެވެ. ސަރުކާރުން ބުނީ 2025 ވަނަ އަހަރުގެ ނިޔަލަށް ކޮންމެ ސިޓީއަކާއި އަތޮޅެއްގައިވެސް ކަނޑައެޅޭ ވަކި ސަރަހައްދުތަކުގައި މި ހިދުމަތްތައް ގާއިމުކުރުމަށް ނިންމާފައިވާ ކަމަށެވެ.
އެ ގޮތުން މި އަހަރުގެ ނޮވެންބަރު މަހުގެ ނިޔަލަށް ދ. ކުޑަހުވަދޫ އާއި ހދ. ކުޅުދުއްފުށީގައި މި ހިދުމަތް ގާއިމުކޮށް އަންނަ އަހަރުގެ ނިޔަލަށް ކޮންމެ ސިޓީއަކާއި އަތޮޅެއްގައި އެކަން ކުރާނެ ތާރީހު ކަނޑައަޅާފައިވެ އެވެ.
ކޮމެންޓް
Republic of Maldives