"އާސްކް އިލްމު" އެޕަށް ބޮޑު ތަރުހީބެއް، ހަފްތާއެއްތެރޭ 250،000 ފަހަރު ބޭނުންކޮށްފި

އިލުމިނޭޓް ލާމު މޫވްމަންޓުގެ "އާސްކް އިލްމު" ވެބް އެޕްލިކޭޝަނަށް ބޮޑު ތަރުހީބެެއް ލިބި މިދިޔަ ކުރު މުއްދަތުގައި އެ އެޕްލިކޭޝަނަ ބޭނުންކުރި އަދަދު 250،000 އަށް އަރައިފި އެވެ.

"އާސްކް އިލްމު" ވެބް އެޕްލިކޭޝަން ލޯންޗުކުރީ މިދިޔަ ބުރާސްފަތި ދުވަހުގެ ރޭގައެވެ. މިދިޔަ ހަފްތާގައި އެކަނިވެސް 250،000 އަށްވުރެ ގިނަ ފަހަރު މި ވެބް އެޕްލިކޭޝަން ވަނީ ބޭނުންކޮށްފައެވެ.

މިއީ ދީނީ ސުވާލުތަކުގެ ޖަވާބު ފަސޭހައިން ހޯދާލެވޭ ގޮތަށް ފަރުމާކޮށްފައިވާ އެބް އެޕްލިކޭޝަނެކެވެ. އެގޮތުން ކޮންމެ މީހަކަށްވެސް ފަސޭހަކަމާއެކު މި އެޕްލިކޭޝަންގެ ޒަރިއްޔާއިން ދީނީ ސުވާލު ކުރެވޭނެއެވެ. އަދި ސުވާލު ފޮނުވުމުން ދިވެހި ދީނީ އިލްމުވެރިންގެ ޖަވާބާއެކު އެ ސުވާލުތައް މި ވެބް އެޕްލިކޭޝަންގައި ދަނީ ޝާއިއު ކުރަމުންނެވެ.

މިހާތަނަށް މި އެޕްލިކޭޝަނުން 300 އެއްހާ ސުވާލު ވަނީ ފޮނުވާއެވެ. އަދި އޭގެތެރެއިން 158 ސުވާލެއްގެ ޖަވާބު ދީ އާންމުކޮށްފަ އެވެ.

ވަރަށް އަވަހަށް "އާސްކް އިލްމު" ގެ މޯބައިލް އެޕްލިކޭޝަންވެސް ކިޔުންތެރިންނާއި ހަމައަށް ގެނެސްދޭނެ ކަމަށް އިލުމިނޭޓް ލާމު މޫވްމަންޓުން ބުންޏެވެ.