ބެންގަލޫރުގެ ހޮޓަލެއްގަައި ދިވެއްސަކު މަރުވެފައި އޮއްވައި ފެނިއްޖެ
އިންޑިޔާ ނޫސްތަކުގައި ރިޕޯޓުކުރި ގޮތުގައި ފާއިތުވި ބުދަދުވަހު ބެންގަލޫރުގެ ހޮޓަލެއްގައި މަރުވެފައި އޮއްވައި ފެނުނީ އުމުރުން 43 އަހރުގެ ހަސަން ސުހައިލު ނަމަކަށް ކިޔާ މީހެކެވެ.
އިންޑިޔާގެ ބެންގަލޫރުގެ ހޮޓަލެއްގައި ދިވެއްސަކު މަރުވެފައި އޮއްވައި ފެނިއްޖެކަމަށް އެ ގައުމުގެ ނޫސްތަކުން ރިޕޯޓުކޮށްފި އެވެ.
އިންޑިޔާ ނޫސްތަކުގައި ރިޕޯޓުކުރި ގޮތުގައި ފާއިތުވި ބުދަދުވަހު ބެންގަލޫރުގެ ހޮޓަލެއްގައި މަރުވެފައި އޮއްވައި ފެނުނީ އުމުރުން 43 އަހރުގެ ހަސަން ސުހައިލު ނަމަކަށް ކިޔާ މީހެކެވެ.
އިންޑިޔާަގެ ފުލުހުން ބުނެފައިވާ ގޮތުގައި ސުހައިލު އިންޑިޔާއަށް އައީ ނިމުނު ހަފުތާގެ އާދީއްތަ ދުވަހު އެވެ. އޭނާ މަރުވެފައި އޮއްވައި ފެނުނީ ހޮޓަލުން ޗެކްއައުޓުވާން އޮތު ދުވަހު އެވެ.
ފުލުހުން ބުނެފައިވަނީ އޭނާ މަރުވީ ލޭގެ ޕްރެޝަރު ދަށްވެ ޑިހައިޑްރޭޓްވުމުގެ ސަބަބުން ހާޓް އެޓޭކެއް ޖެހިގެންކަމަށް ބެލެވޭ ކަމަށެވެ.
ފުލުހުން ބުނި ގޮތުގައި އަންގާރަ ދުވަހުން ފެށިގެން ސުހައިލް ކޮޓަރިން ނުނުކުންނާތީ ފުލުހަށް ރިޕޯޓުކުރީ އޭނާ ހުރި ހޮޓަލުންނެވެ. ފުލުހުން ހޮޓަލަށް ގޮސް ކޮޓރިއަށް ވަންއިރު އޭނާ އޮތީ ބިންމަތީގަ އެވެ. އަދި އޭނާ އޮތީ ހޮޑުލެވިފައިކަމަށް ފުލުުހުން ބުނެފައިވެ އެވެ.
މިވަގގުތު ސުހައިލުގެ ހަށިގަނޑު އޮތީ ރަމާއިއާ ހޮސްޕިޓަލުގެ މޯޗަރީގަ އެވެ. އެއީ ޕޯސްޓްމޯޓެމް ހެދުމާމެދު އާއިލާއިން ވަކި ގޮތެއެް ނިންމަންދެނެވެ.
ކޮމެންޓް
Republic of Maldives