ޑްރަގް ވިޔަފާރީގައި އުޅޭ 142 ބިދޭސީއަކު ޑީޕޯޓް ކުރަން ހަވާލުކޮށްފި
ލުހުން ހިންގި އެކި އޮޕަރޭޝަންތަކުގައި 183 ކިލޯގެ މަސްތުވާތަކެތި ވަނީ އަތުލައިގެންފަ އެވެ. އަދި 8451 ބަނގުރާ ދަޅާއި ފުޅި އަތުލައިގެންފައިވާ ކަމަށް ވެސް ބުންޏެވެ.
މަސްތުވާތަކެތީގެ އެކި މައްސަލަތަކާއި ގުޅިގެން 142 ބިދޭސީން ޑީޕޯޓް ކުރުމަށް މޯލްޑިވްސް އިމިގްރޭޝަނާއި ހަވާލުކޮށްފައިވާ ކަމަށް ދިވެހި ފުލުހުންގެ ހިދުމަތުން ބުނެފި އެވެ.
ފުލުހުންގެ އާ ލީޑާޝިޕުން ކުރަމުންދާ މަސައްކަތްތަކުގެ ތަފްސީލު ހިއްސާ ކުރަމުން ފުލުހުން މިއަދު ބުނީ މަސްތުވާތަކެތީގެ އެކި މައްސަލަތަކާއި ގުޅިގެން 142 ބިދޭސީން ޑީޕޯޓް ކުރުމަށް މޯލްޑިވްސް އިމިގްރޭޝަނާއި ހަވާލުކޮށްފައިވާ ކަމަށެވެ. އޭގެ ތެރޭގައި މަސްތުވާތަކެތީގެ ވިޔަފާރީގައި ޝާމިލުވާ މީހުން ވެސް ހިމެނޭ ކަމަށް ބުންޏެވެ.
އެއީ ކޮން ގައުމުތަކަކަށް ނިސްބަތްވާ މީހުން ކަމެއް އަދި އެ މީހުން މިހާރު ޑީޕޯޓްކޮށްފައިވާ ކަމެއް ފުލުހުން ނުބުނެ އެވެ.
ފުލުހުން ބުނީ މަސްތުވާތަކެތީގެ ވިޔަފާރި ހުއްޓުވުމަށް ވަރަށް އިސްކަން ދީގެން މަސައްކަތް ކުރަމުންދާ ކަމަށެވެ. މިދިޔަ ކުރު މުއްދަތުގެ ތެރޭގައި ފުލުހުން ހިންގި އެކި އޮޕަރޭޝަންތަކުގައި 183 ކިލޯގެ މަސްތުވާތަކެތި ވަނީ އަތުލައިގެންފަ އެވެ. އަދި 8451 ބަނގުރާ ދަޅާއި ފުޅި އަތުލައިގެންފައިވާ ކަމަށް ވެސް ބުންޏެވެ.
އެ ތަކެތީގެ މަގުމަތީ އަގު 385 މިލިއަނަށް ވުރެ އިތުރު ކަމަށް ވެސް ފުލުހުން ވަނީ ބުނެފަ އެވެ.
ކޮމެންޓް
Republic of Maldives