ކެފޭ އުސޫލުން ޑްރަގް ހިދުމަތްދޭ 48 ތަނެއް ބަންދު ކޮށްފި
ފުލުހުން ބުނީ މިިދިޔަ މުއްދަތުގައި ކެފޭ އުސޫލުން މަސްތުވާތަކެތީގެ ހިދުމަތްދޭ 48 ތަނެއް ބަންދުކޮށްފައިވާ ކަމަށެވެ.
ކެފޭ އުސޫލުން މަސްތުވާތަކެތީގެ ހިދުމަތްދޭ 48 ތަނެއް ބަންދުކޮށްފައިވާ ކަމަށް ދިވެހި ފުލުހުންގެ ހިދުމަތުން ބުނެފި އެވެ.
ފުލުހުންގެ އިސްވެރީން މިއަދު ބޭއްވި ނޫސްވެރީންގެ ބައްދަލްވުމުގައި އެ ހިދުމަތުގެ މިހާރުގެ ލީޑާޝިޕްގައި ކުރެވުނު ބައެއް މުހިންމު މަސައްކަތްތަކުގެ ތަފްސީލް ވަނީ ހިއްސާ ކޮށްފަ އެވެ.
ފުލުހުން ބުނީ މިިދިޔަ މުއްދަތުގައި ކެފޭ އުސޫލުން މަސްތުވާތަކެތީގެ ހިދުމަތްދޭ 48 ތަނެއް ބަންދުކޮށްފައިވާ ކަމަށެވެ. އެކަން ހުއްޓުވުމަކީ ފުލުހުން ވަރަށް އިސްކަން ދީގެން ކުރަމުންދާ ކަމެއް ކަމަށް ވެސް ބުންޏެވެ. އަދި ބުނީ އެ މަސައްކަތް ހުއްޓުމެއް ނެތި ކުރިއަށް ގެންދާނެ ކަމަށެވެ.
މީގެ އިތުރުން ބަނގުރަލުގެ ވަގު ފިޔަފާރި ހުއްޓުވުމަށް ހާއްސަ މަސައްކަތްތަކެއް ކުރަމުންދާ ކަމަށް ވަނީ ބުނެފަ އެވެ. އެގޮތުން މިދިޔަ މުއްދަތުގައި 57 ސަފާރީއެއް ވަނީ ބަލާ ފާސްކޮށްފައިވާ ކަމަށާ ބަނގުރަލާ މަސްތުވާކެއްޗާ ގުޅޭ އެކި މައްސަލަތަކުގައި 1009 މީހަކު ހައްޔަރު ކޮށްފައިވާ ކަމަށެވެ.
އަދި ބުނީ މަސްތުވާތަކެއްޗަށް ދެވިހިފާފައިވާ މީހުންނާއި ކުށްކުރާ މީހުންގެ ފަރުވާގެ ނިޒާމަށް ވެއްދުމަށް ކުރެވޭ މަސައްކަތުގެ ދަށުން 49 މީހަކު އެންޑީއޭއާ ހަވާލުކޮށްފައިވާ ކަމަށެވެ.
ކޮމެންޓް
Republic of Maldives