މޯލްޑިވްސް ކޮމިޔުނިޓީ ޕާޓީ އުފައްދަނީ، މަސައްކަތް ފެށުމަށް ހުއްދަ ދީފި
އިލެކްޝަންސް ކޮމިޝަނުން ބުނީ "މޯލްޑިވްސް ކޮމިޔުނިޓީ ޕާޓީ"ގެ ނަމުގައި ސިޔާސީ ޕާޓީއެއް އުފެއްދުމަށްޓަކައި ކުރަންޖެހޭ މަސައްކަތްތައް ކުރިއަށްގެންދިއުމުގެ ހުއްދަ ދީފައިވާ ކަމަށެވެ.
އިލެކްޝަންސް ކޮމިޝަނުން ބުނީ "މޯލްޑިވްސް ކޮމިޔުނިޓީ ޕާޓީ"ގެ ނަމުގައި ސިޔާސީ ޕާޓީއެއް އުފެއްދުމަށްޓަކައި ކުރަންޖެހޭ މަސައްކަތްތައް ކުރިއަށްގެންދިއުމުގެ ހުއްދަ ދީފައިވާ ކަމަށެވެ. އެ ހުއްދަ ދީފައި ވަނީ ގ. ކްރެބްޓްރީ، އަލީ އަހްމަދަށެވެ.
ކޮމިޝަނުން ބުނީ ޕާޓީ އުފެއްދުމުގެ ހުއްދަ އަލީ އަހްމަދަށް ދިނުމަށް މިއަދު ކޮމިޝަނުން ނިންމާފައިވާ ކަމަށެވެ. އެގޮތުން ޕާޓީ އުފެއްދުމަށް ބޭނުންވާ ތިންހާސް މީހުންގެ ސޮއި ހޯދުމަށާ ޕާޓީ އުފެއްދުމަށްޓަކައި ކުރަންޖެހޭ އެހެނިހެން ކަންތައްތައް ކުރިއަށް ގެންދިއުމުގެ ހުއްދަ އާއިއެކު އެ ޕާޓީ ރަޖިސްޓްރީ ކުރުމަށް ބޭނުންވާ 3000 މީހުންގެ ފޯމު މި ކޮމިޝަނަށް ހުށަހެޅުމަށް ތިން މަސް ދުވަހުގެ މުހުލަތެއް ވަނީ ދީފަ އެވެ.
ސިޔާސީ ޕާޓީތަކުގެ ދަފްތަރުގައި 11 ސިޔާސީ ޕާޓީއެއް އެބަ އޮތެވެ. އޭގެ ތެރެއިން މޯލްޑިވްސް ރިފޯމް މޫވްމަންޓް އުވާލުމުގެ މަސައްކަތް މިހާރު ދަނީ ކުރަމުންނެވެ. އެއީ އެ ޕާޓީގައި ތިންހާސް މީހުން ހަމަނުވާތީ އެވެ.
ކޮމެންޓް
Republic of Maldives