ގަވަރުނަރުގެ ލަފާ | ޓޫރިޒަމް މާކެޓިން ބަޖެޓު ބޮޑު ކުރަން ޖެހޭ
ގަވަރުނަރު މުނައްވަރު ވިދާޅުވި ގޮތުގައި ވީއައިއޭ ތަރައްގީވެ ނިމެނުންދާތީ ރާއްޖޭގެ މާކެޓިން ވަރުގަދަ ކުރަން ޖެހެ އެވެ.
ޓޫރިޒަމް މިހާރު ފުޅާ ވެގެންދާ ވަރަށް ބަލައި ރާއްޖޭގެ ޑެސްޓިނޭޝަން މާކެޓިން ބަޖެޓު ބޮޑު ކުރަން މަރުކަޒީ ބޭންކުގެ ގަވަރުނަރު އަހުމަދު މުނައްވަރު ލަފާ ދެއްވައިފި އެވެ.
ބަޖެޓާ ބެހޭ ގޮތުން މަޖިލީހުގެ ބަޖެޓު ކޮމެޓީގައި އެމްއެމްއޭގެ ފަރާތުން ގަވަނަރު މުނައްވަރު ދެއްވި ލަފާގައި ބުނެފައިވާ ގޮތުން
ރާއްޖޭގެ ޑެސްޓިނޭޝަން މާކެޓިންގެ ބަޖެޓު ބޮޑު ކުރަން ޖެހޭ ކަމަށް ވިދަޅުވެފައިވެ އެވެ.
މީގެ ސަބަބެއްގެ ގޮތުގައި ގަވަރުނަރު ފާހަގަ ކުރެއްވީ ވެލާނާ އިންޓަނޭޝަނަލް އެއާޕޯޓް ތަރައްގީ ވެގެން ދިއުމާއެކު ޓޫރިޒަމް ފުޅާ ވެގެންދާނެ ކަމަށް އަންދާޒާ ކުރެވުމެވެ.
"އިންޑަސްޓްރީގެ ބޭފުޅުން ވެސް ވަރަށް ބޮޑު އެދުމެއް މިއީ،" ގަވަރުނަރު ވިދާޅުވި އެވެ.
ރާއްޖޭގައި އާއްމުކޮށް މާކެޓިން އަށް ދެނީ 9 މިލިއަން ޑޮލަރުގެ މާކެޓިން ބަޖެޓެކެވެ. ނަމަވެސް އަންނަ އަހަރު މާކެޓިން ބަޖެޓު އިތުރު ކުރާނެ ކަމަށް ޓޫރިޒަމް މިނިސްޓަރު އިބްރާހިމް ފައިސަލް ވަނީ ވިދާޅުވެފަ އެވެ.
ރާއްޖޭގައި މި ވަގުތު 174 ރިސޯޓަކާއި 800 އަށްވުރެ ގެސްޓްހައުސް އަދި 150 އަށްވުރެ ސަފާރީ އުޅަނދު ޓޫރިޒަމް ވިޔަފާރީގައި އެބަ ހުއްޓެވެ. އަދި އަންނަ އަހަރުވެސް އާ ގިނަ ރިސޯޓްތަކެއް މާކެޓަށް ނުކުންނާނެ އެވެ.
ކޮމެންޓް
Republic of Maldives