ގިނަ ރިސޯޓްތައް ދެކޮޅެއް ނޫން؛ ޑޮލަރު މާރުކުރަން 173 ރިސޯޓެއް އެމްއެމްއޭގައި ރަޖިސްޓްރީ ވެއްޖެ
ރާއްޖޭގައި އޮޕަރޭޓް ކުރާ ރިސޯޓްތަކުގެ އަދަދަކީ 174 އެކެވެ. އެހެންވެ އެންމެ ރިސޯޓެއް ފިޔަވައި ހުރިހާ ރިސޯޓަކުން ވަނީ މި ގަވައިދުގެ ދަށުން ރަޖިސްޓްރީކޮށްފަ އެވެ.
ޑޮލަރު މާރު ކުރުމުގެ އާ ގަވައިދުގެ ދަށުން ރާއްޖޭގެ ރިސޯޓެއް ފިޔަވާ ހުރިހާ ރިސޯޓެއް އެމްއެމްއޭގައި ރަޖިސްޓްރީ ވެއްޖެ އެވެ.
އެމްއެމްއޭ އިން ބުނީ ގިނަ އަދަދެއްގެ ރިސޯޓްތަކެއް ރަޖިސްޓްރީ ކޮށްފައިވެ އެވެ. މީގެ ތެރޭގައި ޖުމްލަ 173 ރިސޯޓެއް ވެސް ހިމެނެ އެވެ.
އެނގިފައިވާ ގޮތުގައި ރަޖިސްޓްރީ ނުކޮށް އުޅެނީ ރިސޯޓަށް ރަޖިސްޓްރީ ނުވެގެން އުޅެނީ އޯނާޝިޕް ސައިޑުން ކުރަން ޖެހޭ ބައެއް ކަންކަން ފުރިހަމަ ކުރުމަށެވެ. ޓޫރިޒަމް މިނިސްޓްރީގެ ހިސާބުތައް ދައްކާ ގޮތުގައި ރާއްޖޭގައި މިވަގުތު އޮޕަރޭޓް ކުރަމުން ގެންދަނީ 174 ރިސޯޓެވެ.
ރާއްޖޭގައި އޮތް ޑޮލަރުގެ ކަޅު ބާޒާރު ނައްތާލުމުގެ ގޮތުން ބޭރު ފައިސާ ގަނެ ވިއްކުމަށް އެމްއެމްއޭއިން ލައިސެންސް ދޫކުރަމުން އުސޫލަށް ބޮޑެތި ބަދަލުތަކެއް ގެނެސް ހުއްދަ ދޫކުރާ އުސޫލު ވަނީ ހަރުކަށިކޮށްފަ އެވެ.
އެމްއެމްއޭން މި ގަވާއިދަށް އަމަލުކުރަން ފެށީ މިދިޔަ އޮކްޓޫބަރު މަހުގެ އެއްވަނަ ދުވަހުން ފެށިގެންނެވެ. އަދި އޭގެ ފަހުން ވެސް ޓީޖީއެސްޓީ އަށް ރަޖިސްޓްރީވާ ފަރާތެއްނަމަ އެ ފަރާތްތަކަށް ވެސް ރަޖިސްޓަރީ ވުމަށް މަސް ދުވަހުގެ މުއްދަތެއް އެމްއެމްއޭ އިން ދީފައިވެ އެވެ. ބޭރު ފައިސާއާ ބެހޭ ގަވާއިދުގެ ދަށުން ރަޖިސްޓްރީވާން ޖެހެނީ، އެމްއެމްއޭއިން އެކަމަށް ހާއްސަކޮށްފައިވާ ޕޯޓަލެއްގަ އެވެ. އެ ޕޯޓަލްގައި ރިސޯޓުތަކުގެ މައުލޫމާތުތައް ހިމަނަން ޖެހެ އެވެ.
އެމްއެމްއޭގެ މި ގަވާއިދުގައިވާ ގޮތުން، ޓޫރިޒަމް ދާއިރާގެ ހުރިހާ ވިޔަފާރިތަކުން ވެސް ކަނޑައަޅާފައިވާ ވަކި އަދަދެއް ބޭންކްތައް މެދުވެރިކޮށް މާރުކުރަން ޖެހޭނެ އެވެ. މި ގަވައިދުގައިވާ ގޮތުން ކެޓަގަރީ "އޭ" ގައި ހިމެނެނީ ރިސޯޓުތަކާއި ހޮޓާތަކާއި ޓޫރިސްޓް އުޅަނދުތަކެވެ. އެ ކެޓަގަރީގައި ހިމެނޭ ފަރާތްތަކުން ކޮންމެ ޓޫރިސްޓަކަށް، ބޮލަކަށް 500 ޑޮލަރުގެ ރޭޓުން ރާއްޖޭގެ ބޭންކަކަށް މާރުކުރަން ލާޒިމްވާނެ އެވެ. އަދި ކެޓަގަރީ "ބީ" ގައި ހިމެނެނީ ގެސްޓް ހައުސްތަކުން ކޮންމެ ޓޫރިސްޓެއްގެ ބޮލަކަށް 25 ޑޮލަރުގެ ރޭޓުން ކޮންމެ މަހަކު އެ އަދަދު ބޭންކަކަށް ޖަމާކޮށް މާރުކުރަން ޖެހެ އެވެ.
މި ގަވާއިދުގެ ދަށުން ޑޮލަރު މާރުކުރަން ފަށަން ޖެހޭނީ އަންނަ ޖެނުއަރީ މަހުގެ ފަހުކޮޅުން ފެށިގެންނެވެ. ޖެނުއަރީގައި ބޭންކަށް މާރުކުރާނީ އޮކްޓޫބަރު މަހު ރިސޯޓަކަށް އައި ޓޫރިސްޓުންގެ ބޮލަކަށް ޖެހޭ އަދަދުގެ ނިސްބަތުންނެވެ.
އެމްއެމްއޭގެ ހިސާބުތައް ދައްކާ ގޮތުން ބޭންކިން ނިޒާމަށް ޑޮލަރު މާރު ކުރާ އަދަދު މަދެވެ. ޓޫރިޒަމް ދާއިރާއިން ރާއްޖޭގެ ބޭންކުތަކަށް 2019 ވަނަ އަހަރު މާރުކުރީ އެންމެ 153 މިލިއަން ޑޮލަރެވެ. އެކަމަކު މިދިޔަ އަހަރު މާރުކުރި މިންވަރު ވަނީ 68 މިލިއަން ޑޮލަރަށް ދަށަށް ގޮސްފަ އެވެ.
ކޮމެންޓް
ތީ ހުސްދޮގު . މަޖުބޫރުވެގެން ރަޖިސްޓަރީ ކުރީ .
Republic of Maldives