އޯޕެކް ޕްލަސްގެ ނިންމުމަށް ރާއްޖެ ތާއީދުކޮށް
"އޯޕެކް ޕްލަސް" ގެ ނިންމުމާ ގުޅިގެން އެމެރިކާ އާއި އެހެން ވެސް ބޮޑެތި ބައެއް ގައުމުތަކުން ސައުދީއަށް ފާޑުކިޔައި ނުތަނަވެސް ވެފައި އެވެ،
ތެޔޮ އުފައްދާ މިންވަރު މަދުކުރަން "އޯޕެކް ޕްލަސް" ގައި ހިމެނޭ ގައުމުތަކުން ނިންމި ބޮޑު ނިންމުމަށް ދިވެހި ސަރުކާރުން ތާއީދުކޮށް ބަޔާނެއް ނެރެފި އެވެ.
"އޯޕެކް ޕްލަސް" އަކީ ސައުދީ އަރަބިއްޔާ އިސްވެ އޮންނަ އަދި އެ ގައިމުން ގަދަ ބަސް ބުނާ ގްރޫޕެކެވެ. އެ ގްރޫޕުން ބުނަނީ ދުނިޔޭގެ އިގްތިސޯދު މަޑުޖެހެމުން ދާތީ ތެލުގެ އަގުތައް ވެއްޓެން ފަށާފައިވާ ކަމަށާއި ތެލުގެ އެކްސްޕޯޓް މަދު ކުރީ އެއް ހަމައެއްގައި އަގުތައް ބަހައްޓާން ވެގެން ކަމަށެވެ. "އޯޕެލް ޕްލަސް" އިން ނިންމާފައި ވަނީ އަންނަ މަހުން ފެށިގެން ދުވާލަކު ދެ މިލިއަން ފީފާއަށް ތެޔޮ އުފައްދާ މިންވަރު މަދު ކުރާށެވެ.
ދުނިޔެއަށް ވަރަށް މުހިންމު އެ ފިޔަވަޅާ ގުޅިގެން ރާއްޖޭން މިއަދު މެންދުރު ނެރުނު ބަޔާނުގައި އޮތީ ތެޔޮ އުފެއްދުން ލިމިޓު ކުރީ އިގްތިސޯދީ ހާލަތްތަކުގެ އިތުރުން ބައެއް ޓެކްނިކަލް ކަންކަމަށް ރިއާޔަތް ކުރުމަށް ފަހު ކަމަށް ގަބޫލުކުރާ ކަމަށާއި އޯޕެކް ޕްލަސްގެ ނިންމުން ނިންމާފައި ވަނީ މެމްބަރުގެ ގައުމުތަކުގެ އިއްތިފާގުންކަން ދިވެހި ރާއްޖެ ފާހަގަކުރާ ކަމަށެވެ. ދުނިޔޭގެ ހަކަތައިގެ ބާޒާރުގައި ހަމަޖެހުމުން ގާއިމުވެފައި އޮތުން ރާއްޖެފަދަ ތެލަށް ބަރޯސާވެފައިވާ ކުޑަ ގައުމަކަށް މުހިންމު ކަމަށް ބުންޏެވެ.
"... މި ފިޔަވަޅަކީ ސިޔާސީ ނިންމުމެއްގެ ގޮތުގައި ނުބަލައި ދުނިޔޭގެ ތެލުގެ މާކެޓު ހަމައަކަށް އެޅުވުމަށް އެޅި ރަނގަޅު ފިޔަވަޅެއްގެ ގޮތުގައި ބެލުން މުހިންމު،" ރާއްޖޭގެ ބަޔާނުގައި ބުންޏެވެ.
"އޯޕެކް ޕްލަސް" ގެ ނިންމުމާ ގުޅިގެން އެމެރިކާ އާއި އެހެން ވެސް ބޮޑެތި ބައެއް ގައުމުތަކުން ސައުދީއަށް ފާޑުކިޔައި ނުތަނަވެސް ވެފައި އެވެ،
ކޮމެންޓް
Republic of Maldives