ރައީސް މުއިއްޒު ބޭނުންވަނީ ރާއްޖެ ރަސްކަމަކަށް ގެންދަން: ޝާހިދު
"މިއަދު ވެރިކަމުގައި ހުންނެވި ރައީސްގެ ބޭނުންފުޅަކަށް މި ވަނީ ރާއްޖެ ރަސްކަމަކަށް ބަދަލުކޮށްލެއްވުން. އެ ދިމާއަށް ހިފާފައި އެ ހުރީ. ނަމަނަމަ އެ ފުރުސަތު ނުދެއްވާތި،"
ރައީސުލްޖުމްހޫރިއްޔާ ޑރ. މުހައްމަދު މުއިއްޒު ބޭނުންފުޅުވަނީ ރާއްޖެ ރަސްކަމަކަށް ބަދަލުކޮށް ލުމަށް ކަމަށް ކުރީގެ ފޮރިން މިނިސްޓަރު / އެމްޑީޕީގެ ރައީސް އަބްދުﷲ ޝާހިދު މިރޭ ވިދާޅުވެއްޖެ އެވެ.
"ފުދިއްޖެ، ފުނޑިއްޖެ" ނަމުގައި މިރޭ އާޓިފިޝަލް ބީޗުގައި އޮތް އެމްޑީޕީގެ ޖަލްސާގައި ވާހަކަފުޅު ދައްކަަވަމުން ޝާހިދު ވިދާޅުވީ ރައީސް މުއިއްޒު މަސައްކަތްޕުޅު ކުރައްވަނީ ހުރިހާ ބާރެއް އެމަނިކުފާނުގެ އަތްޕުޅަށް ނެންގެވުމަށް ކަމަށެވެ. މަޖިލީހުގެ މެޖޯރިޓީ ބޭނުން ކުރައްވައިގެން އެ މަސައްކަތް ފައްޓަވާފައިވާ ކަމަށް ވެސް ވިދާޅުވި އެވެ.
އެއް ކަމަކަށް ފާހަގަ ކުރެެއްވީ ކޮމިޝަންތަކުގެ ވެރީން ކަނޑައެޅުމުގެ ބާރު ރައީސްގެ އަތްޕުޅަށް ނެންގެވުމަށް ގާނޫނަށް ބަދަލު ގެނައުމަށް މިހާރު ފަށާފައިވާ މަަސައްކަތެވެ. އަދި އާންމުންގެ ފެންނަ ނުފެންނަ ވޯޓެއް ނަގާ ރިޔާސީ އިންތިހާބުގެ ދެވަނަ ބުރު ނޯންނަ ގޮތަށް ގާނޫނަށް ބަދަލު ގެންނަވަން ގަސްތު ކުރައްވާ ކަމަށް ރައީސް އިއުލާނު ކުރައްވާފައިވާ ކުރެއްވުމަށެވެ.
އެއީ "ވޯޓް ބަނޑުއަޅަން" ކުރާން ރާއްވާ ކަމެއް ކަމަށް ވިދާޅުވި އެވެ. އަދި ވިދާޅުވީ ރައީސް ބޭނުންފުޅު ވަނީ މި ގައުމު 2008 ގެ ފަހަތަށް ގެންދަން ކަމަށް ވިދާޅުވި އެވެ.
"މިއަދު ވެރިކަމުގައި ހުންނެވި ރައީސްގެ ބޭނުންފުޅަކަށް މި ވަނީ ރާއްޖެ ރަސްކަމަކަށް ބަދަލުކޮށްލެއްވުން. އެ ދިމާއަށް ހިފާފައި އެ ހުރީ. ނަމަނަމަ އެ ފުރުސަތު ނުދެއްވާތި،" ޝާހިދު ވިދާޅުވި އެވެ.
ކޮމެންޓް
Republic of Maldives