ފުލުހުންނާ ވާހަކަ ދައްކާލަން ބޭނުންތަ؟ މާދަމާ ފުރުސަތު ލިބޭނެ
ރާއްޖޭގެ ހުރިހާ ކަންކޮޅެއްގައި "ވޯކް އެންޑް ޓޯކް" ގެ ނަމުގައި މާދަމާ ހާއްސަ ހަރަކާތެއް ފުލުހުންގެ މުއައްސަސާ އިން ކުރިއަށް ގެންދާނެ އެވެ.
ދިވެހި ފުލުހުންގެ ހިދުމަތް އިތުރަށް ރަނގަޅު ކުރުމަށް އާންމުންގެ ހިޔާލު ފުލުހަށް ހިއްސާ ކުރެވޭނެ މަގު ތަނަވަސްކޮށްދޭން ނިންމައިފި އެވެ.
ރާއްޖޭގެ ހުރިހާ ކަންކޮޅެއްގައި "ވޯކް އެންޑް ޓޯކް" ގެ ނަމުގައި މާދަމާ ހާއްސަ ހަރަކާތެއް ފުލުހުންގެ މުއައްސަސާ އިން ކުރިއަށް ގެންދާނެ އެވެ. އެ ހަރަކާތް ކުރިއަށް ގެންދާނީ މާދަމާ ހަވީރު ހަތަރަކުން ހަޔަކަށެވެ.
ފުލުހުން ބުނީ މި ހަރަކާތު ގައި ފުލުހުންނާއި ވާހަކަ ދައްކަން އާންމުންނަށް ފުރުސަތު ލިބޭނެ ކަމަށެވެ. އަދި ފުލުހުންގެ ހިދުމަތް އިތުރަށް ރަނގަޅު ކުރުމަށް ފެންނަ ކަންކަމުގެ ހިޔާލު ހިއްސާ ކުރެވޭނެ ކަމަށެވެ. މި ހަރަކާތް ކުރިއަށް ގެންދާނީ "ބައްދަލުވެލާ، ހިއްސާކުރައްވާ" މި ޝިއާރުގެ ދަށުންނެވެ.
ކޮމިޝަނަރު އޮފް ޕޮލިސްގެ މަގާމަށް އަލީ ޝުޖާއު ވަޑައިގެން ފުލުހުންގެ މުއައްސަސާއަށް ހެޔޮ ބަދަލުތަކެއް ގެނައުމުގެ މަސައްކަތް ވަނީ ފަށާފަ އެވެ. މަގުތަކަށް ފުލުހުން ނެރެ އާންމުންގެ ރައްކާތެރިކަން ކަށަވަރު ކުރުމަށް މުހިންމު މަސައްކަތްތަކެއް ދަނީ ކުރަމުންނެވެ.
ކޮމެންޓް
Republic of Maldives