21،000 ރުފިޔާގެ ޖޫރިމަނާ ނުދެއްކުމުން ޖަލަށް ލާން ހުކުމް ކޮށްފި
ހުކުމާ އެއްގޮތަށް ޖޫރިމަނާގެ ފައިސާ ދައްކާފައި ނުވާ ކަމަށް ޕްރޮސެކިއުޓާ ޖެނެރަލްގެ އޮފީހުން އެ ކޯޓަށް މިދިޔަ މަހުގެ 10 ވަނަ ދުވަހު އަންގާފައިވާ ކަމަށްވެސް ހުކުމުގައިވެ އެވެ.
ކުށެއް ސާބިތުވެ 21،600 ރުފިޔާއިން ކުރި ޖޫރިމަނާއެއް ހުކުމް ކުރި މުއްދަތުގައި ދައްކާފައިނުވާތީ މީހަކު ޖަލަށްލުމަށް ކުރިމިނަލް ކޯޓުން ހުކުމް ކޮށްފި އެވެ.
ކުރިމިނަލް ކޯޓުން މި ހުކުމް ކޮށްފައިވަނީ ލ. މާބައިދޫ، ސީސައިޑް، ހުސައިން އާފިޒްގެ މައްޗަށެވެ.
ކުރިމިނަލް ކޯޓުން ކުރި މި ހުކުމުގައި ބުނެފައިވަނީ އެ ކޯތުން މީގެ ކުރިން ކުރި ޖަލު ހުކުމެއް ޖޫރިމަނާގެ ހުކުމަކަށް ބަދަލު ކުރީ އާފިޒްގެ އެދުމުގެ މަތިން ކަމަށެވެ.
އެކަމަކު ހުކުމާ އެއްގޮތަށް ޖޫރިމަނާގެ ފައިސާ ދައްކާފައި ނުވާ ކަމަށް ޕްރޮސެކިއުޓާ ޖެނެރަލްގެ އޮފީހުން އެ ކޯޓަށް މިދިޔަ މަހުގެ 10 ވަނަ ދުވަހު އަންގާފައިވާ ކަމަށްވެސް ހުކުމުގައިވެ އެވެ.
އެހެންކަމުން މި ދައުވާގެ އަސްލު އަދަބު އޭނާގެ މައްޗަށް ކަނޑައެޅުމަށް ކުރިމިނަލް ކޯޓުން ވަނީ ނިންމާފައެވެ. އަސްލު ހުކުމްކަމަށްވާ ތިން މަހާއި 18 ދުވަހަށް ޖަލަށްލުމަށް އެ ކޯޓުން ވަނީ ހުކުމް ބަދަލުކޮށް އަދަބު މުރާޖައާ ކޮށްފައެވެ.
ކޮމެންޓް
Republic of Maldives