ފުލުހުންނާއި ސިފައިންގެ އިންޝުއަރެންސްއަށް ކުރާ ހަރަދު ލިމިޓުކޮށް ޕްރައިވެޓް އިންޝުއަރެންސް ނަގަނީ
ސަރުކާރުން ފާހަގަކުރި ގޮތުގައި މިހާރު މި އިންޝުއަރެންސްގައި ވަކި ލިމިޓެއް ނޯވެ އެވެ. ނަތީޖާއެއްގެ ގޮތުން ކޮސްމެޓިކް ޕްރޮސީޖާތަކާއި ބައެއް ކޮންޒިއުމަބަލްސްވެސް މި ސްކީމުގެ ތެރެއިން ލިބޭނެ އިންތިޒާމު އޮންނަނީ ހަމަޖެހިފަ އެވެ.
މިހާރު ފުލުހުންނާއި ސިފައިންނަށް އާސަންދައިގެ ބޭރުން ހަމަޖައްސާފައިވާ އިންޝުއަރެންސް ނިޒާމަށް ދައުލަތުން ކުރާ ހަރަދު ކުޑަކުރުމުގެ ގޮތުން ޕްރައިވެޓް ސަލާމަތީ ބާރުތަކަށް ޕްރައިވެޓް އިންޝުއަރެންސް ހަމަޖެއްސުމާއެކު އެކަމަށް ހަރަދުކުރެވޭނެ ވަކި ލިމިޓެއް ކަނޑައެޅުމަށް ސަރުކާރުން ނިންމައިފި އެވެ.
ފުލުހުންނާއި ސިފައިންގެ ހިދުމަތުގެ އިންޝުއަރެންސަށް ދައުލަތުން ކޮންމެ އަހަރަކުވެސް އެތައް މިލިއަން ރުފިޔާއެއް ހަރަދުކުރެ އެވެ. އެގޮތުން މި އަހަރުގެ ނިޔަލަށް މި ދެ މުއައްސަސާގެ އިންޝުއަރެންސްއަށް ގާތްގަނޑަކަށް މި އަހަރުގެ ނިޔަލަށް 321.7 މިލިއަން ރުފިޔާ ހަރަދުވާނެ އެވެ.
ސަރުކާރުން ފާހަގަކުރި ގޮތުގައި މިހާރު މި އިންޝުއަރެންސްގައި ވަކި ލިމިޓެއް ނޯވެ އެވެ. ނަތީޖާއެއްގެ ގޮތުން ކޮސްމެޓިކް ޕްރޮސީޖާތަކާއި ބައެއް ކޮންޒިއުމަބަލްސްވެސް މި ސްކީމުގެ ތެރެއިން ލިބޭނެ އިންތިޒާމު އޮންނަނީ ހަމަޖެހިފަ އެވެ.
އެހެންކަމުން ސަރުކާރުން ނިންމާފައިވަނީ އެ ސްކީމުގެ ބަދަލުގައި ފުލުހުންނާއި ސިފައިންނާއި އެމީހުންގެ އއިލާތަކަށް އެއް ހަމަަކޮށް ޕްރައިވެޓް އިންޝުއަރެންސް ހަމަޖެއްސުމަށެވެ. އަދި އިންޝުއަރެންސް ހަމަޖެއްސުމަށް ހަރަދުކުރެވޭނެ ވަކި ލިމިޓެއް ކަނޑައެޅުމަށްވެސް ސަރުކާރުން ނިންމާފައިވެ އެވެ.
ޕްރައިވެޓް އިންޝުއަރެންސް ކަވަރު ހަމަވެއްޖެ ހާލަތުގައި ފުލުހުންނާއި ސިފައިންނަށް އާސަންދައިން ހިދުމަތް ލިބޭނެ އެވެ. އަދި ވަޒީފާ އަދާކުރުމުގެ ތެރެއިން ލިބޭ ހުރިހާ ގެއްލުމަކަށް ދައުލަތުން ފުރިހަމައަށް ހަރަދުކުރާނެ ކަމުގައިވެސް ބަޖެޓުގައި ނިންމާފައިވެ އެވެ.
މިއަދު ސަރުކާރުން ގެޒެޓުކުރި ބަޖެޓު ފޮތުގައި ބުނެފައިވާ ގޮތުން ފުލުހުންނާއި ސިފައިންގެ އިންޝުއަރެންސް ނިޒާމަށް ގެންނަ ބަދަލުތައް އަންނަ އަހަރުގެ ކުރީ ކޮޅުގައި ތަންފީޒުކުރުމަށް ސަރުކާރުން އަންނަަނީ މަސައްކަތް ކުރަމުންނެވެ.
ކޮމެންޓް
Republic of Maldives