ބަނގުރާ ގެންގުޅުނު ބިދޭސީތަކެއް ހައްޔަރު ކޮށްފި
ހުޅުމާލެ ފޭސް އެކެއްގެ މަގުމަތިން ޕިކަޕެއް ހުއްޓުވައި އެ މީހުން ހައްޔަރުކޮށް ބަލައިފާސްކުރިއިރު 48 ފުޅި ބަނގުރާ ފެނިފައިވާ ކަމަށް ވެސް ފުލުހުން ބުންޏެވެ.
ފުލުހުން ބުނީ ކައުންޓާ ނާކޮޓިކްސް އިންޓެލިޖެންސަށް ލިބުނު މައުލޫމާތަކާ ގުޅިގެން އިއްޔެ ހުޅުމާލޭގައި ހިންގި އޮޕަރޭޝަނެއް ގައި ބިދޭސީ ތިން މީހުން ހައްޔަރުކޮފައިވާ ކަމަށެވެ. މި އޮޕަރޭޝަން ގައި ހައްޔަރު ކޮށްފައިވަނީ ބިކާރާ ކުމާރު، އިންޑިއާ (24އ)، އަކިލޭޝް ކުމާރު، އިންޑިއާ (27އ) އަދި އުމާކަންތު ޗޯދަރީ، ނޭޕާލް (35އ) އެވެ.
މި އޮޕަރޭޝަނުގައި ހުޅުމާލެ ފޭސް އެކެއްގެ މަގުމަތިން ޕިކަޕެއް ހުއްޓުވައި އެ މީހުން ހައްޔަރުކޮށް ބަލައިފާސްކުރިއިރު 48 ފުޅި ބަނގުރާ ފެނިފައިވާ ކަމަށް ވެސް ފުލުހުން ބުންޏެވެ.
މި މައްސަލައާ ގުޅިގެން މި ތިން މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން ތިން މީހުން ވެސް 10 ދުވަހަށް ބަންދު ކުރުމަށް އަމުރު ކޮށްފައިވެ އެވެ.
ކޮމެންޓް
Republic of Maldives