ސްޕާއެއް ރެއިޑްކޮށް ދިވެއްސަކާ ތައިލެންޑް ބަޔަކު ހައްޔަރު ކޮށްފި

މާލޭގައި ހިންގަމުން އައި ސްޕާއެއް ރެއިޑްކޮށް ދިވެއްސަކާ ތައިލެންޑް ބަޔަކު ހައްޔަރު ކޮށްފި އެވެ.

ފުލުހުން ބުނީ ހެންވޭރު ގެއެއްގައި ހިންގަމުން ދިޔަ "ސަރާ ސެލޫން އެންޑް ސްޕާ" ބަލައިފާސްކޮށް ފަސް މީހަކު ހައްޔަރުކޮށްފައިވާ ކަމަށެވެ. އެތަނަށް ފުލުުހުން ވަނީ ކޯޓު އަމުރެއް ހޯދައިގެންނެވެ.

އެ ތަނުގައި ހަށިވިއްކާ ކަމަށް ފުލުހުންގެ އިންޓެލިޖެންސަށް ލިބުނު މައުލޫމާތަކާ ގުޅިގެން މި މަހުގެ ފަސް ވަނަ ދުވަހު ހިންގި މި އޮޕަރޭޝަނުގައި ހައްޔަރު ކޮށްފައި ވަނީ ދިވެހި ފިރިހެނަކާއި ތައިލޭންޑް ހަތަރު އަންހެނުންނެވެ.

މި މައްސަލައާ ގުޅިގެން ހައްޔަރުކޮށްފައިވަނީ ގއ. ކަނޑުހުޅުދޫ / ޕާކީޒާ، މުހައްމަދު އިމްރާން (42އ)، ސަލިނީ ޔަމްޑީ (30އ)، ޗަޔަނިޓް ޕިލާ (30އ)، ވިލައިޕޯން ކޮޓްވޮންގް (24އ) އަދި ތިޕްސުދާ ސަންގްހަމް (33އ) އެވެ. މި މީހުންގެ ފޮޓޯ ވެސް އާންމު ކުރި އެވެ.

މި މައްސަލައާ ގުޅިގެން މި ފަސް މީހުންގެ ބަންދާމެދު ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުމުން ތިޕްސުދާ ސަންގްހަމް 15 ދުވަހަށް އަދި ދެންތި ބި ހަތަރު މީހުން ހަތް ދުވަހަށް ބަންދު ކުރުމަށް ވަނީ އަމުރުކޮށްފަ އެވެ.