2026ގެ ނިޔަލަށް ހުރިހާ ރަށެއްގައި އޭޓީއެމް ބަހައްޓަން ސޮއިކޮށްފި
"އޭޓީއެމްގެ ހިދުމަތް ފެށިތާ އަންނަ އަހަރަށް 25 އަހަރު ފުރޭނެ. އަމާޒަކީ އަންނަ އަހަރު ތެރޭ 100 އަށް ވުރެ ގިނަ ރަށުގައި އޭޓީއެމްތައް ހުޅުވުން." އޭނާ ވިދާޅުވެފައިވެއެވެ.
2026 ނިމެންވާއިރަށް ރާއްޖޭގެ ހުރިހާ ރަށެއްގައި ބޭންކް އޮފް މޯލްޑުވްސްގެ އޭޓީއެމް ބަހައްޓަން އެއްބަސްވުމެއްގައި ސޮއިކޮށްފިއެވެ.
އެ ހިދުމަތް ފޯރުކޮށްދިނުމަށް ބީއެމްއެލާއި އިކޮނޮމިކް މިނިސްޓްރީއާ އެއްކޮށް އެއްބަސްވުމެއްގައި ސޮއި ކުރުމަށް މިއަދު ބޭއްވި ރަސްމިއއްޔާތެއްގައި މިކަން އިފްތިތާހު ކޮށްފައިވަނީ ރައީސުލްޖުމްހޫރިއްޔާ ޑރ. މުހައްމަދު މުއިއްޒެވެ.
މި ރަސްމިއްޔާތުގައި އެއްބަސްވުމުގައި ބީއެމްއެލްގެ ފަރާތުން ސޮއި ކުރެއްވީ އެ ބެންކުގެ މެނޭޖިން ޑިރެކްޓަރު މުހައްމަދު ޝަރީފް އެވެ. އަދި ސަރުކާރުގެ ފަރާތުން ސޮއިކުރެއްވީ އިކޮނޮމިކް މިނިސްޓަރު މުހައްމަދު ސައީދެވެ.
އެއްބަސްވުމުގައި ސޮއި ކޮށް ވާހަކަދައްކަވަމުން ޝަރީފް ވިދާޅުވީ މި މަޝްރޫއަކީ ހުރިހާ ރައްޔިތުންނަށް މާލީ އެހީތެރިކަން ފޯރުކޮށްދިނުމަށް އެ ބެންކުން ކުރަމުން އަންނަ މަސައްކަތުގެ ހެއްކެއް ކަމަށެވެ.
އަދި މިއަންނަ އަހަރު ނިމެންވާއިރަށް ރާއްޖޭގެ ހުރިހާ ރަށެއްގައި އޭޓީއެމް ގާއިމު ކުރެވޭނެ ކަމަށްވެސް ވިދާޅުވިއެވެ.
"އޭޓީއެމްގެ ހިދުމަތް ފެށިތާ އަންނަ އަހަރަށް 25 އަހަރު ފުރޭނެ. އަމާޒަކީ އަންނަ އަހަރު ތެރޭ 100 އަށް ވުރެ ގިނަ ރަށުގައި އޭޓީއެމްތައް ހުޅުވުން." އޭނާ ވިދާޅުވެފައިވެއެވެ.
މި މަޝްރޫއަކީ ކަސްޓަމަރުންނަށް ރައްކާތެރިކަމާ އެއްކޮށް، ޚިދުމަތް ފޯރުކޮށްދިނުމަށް ކަމަށްވެސް ޝަރީފް ވިދާޅުވިއެވެ.
ކޮމެންޓް
Republic of Maldives