ދަ ޓްރެވަލް ގައިސްގެ "ޓްރެވަލޫޝަން" މަޖައްލާގެ ތިންވަނަ އަދަދު ނެރެފި

ފުޅާ ދާއިރާއެއްގައި މާކެޓިން އެންޑް ޕަބްލިކް ރިލޭޝަންސް މަސައްކަތްކުރާ ދަ ޓްރެވަލް ގައިޒްއިން ޓްރެވަލޫޝަން މަޖއްލާގެ ތިންވަނަަ އަދަދު އިނގިރޭސިވިލާތުގެ ލަންޑަނުގައި ކުރިއަށްދާ ވޯލްޑް ޓްރެވަލް މާކެޓުގައި މިއަދު ނެރެފި އެވެ. 

މި މަޖައްލާ ނެރެދެއްވީ ހެރިޓަންސް އާރަށް އަދި އަދާރަން ރިސޯޓްސްގެ ސޭލްސް އެންޑް މާކެޓިންގ އެސިސްޓަންޓް ވައިސް ޕްރެސިޑެންޓް ސުރޭޝް ޑިއްސަނަޔަކައާއި ޓްރެވަލް ގައިޒްގެ އެމްޑީ ފްރާތު މުހައްމަދެވެ. 

ޓްރެވަލޫޝަން މަޖައްލާގެ ތިން ވަނަ އެޑިޝަންގެ ގޯލްޑް ޕާޓްނަރުންގެ އިސް އޮފިޝަލުންވެސް މި ލޯންޗް އިވެންޓުގައި ވަނީ ބައިވެރިވެފަ އެވެ. އަދި މި ކާމިޔާބު ލޯންޗު ފާހަގަކުރުމުގެ ގޮތުން ޑަބްލިއުޓީއެމްގެ ބައިވެރިންނަށް ޓްރެވަލޫޝަން އަދި ހެރިޓެންސް އާރަށުގެ ލޯގޯ ޖެހި ކުކީޒްވެސް ވަނީ ބަހާފަ އެވެ.

މި މަޖައްލާއަކީ ނޮވެންބަރު 2024 އިން އޭޕްރީލް 2025 އަށް ދެމިގެންދާ އަދަދެކެވެ. އެ އަދަދުގައި ރާއްޖޭގެ ރީތިކަމާއި ސަގާފަތުގެ މުއްސަނދިކަމާއި ދުނިޔޭގެ ފެންވަރުގެ ފަތުރުވެރިކަމެއް ގާއިމުކުރުމަށް ކުރި މަސައްކަތްތަކާއި މިހާރު ކުރަމުންދާ މަސައްކަތްތައް ހިމަނާފައިވާނެ ކަމަށް ޓްރެވަލް ގައިސްއިން ބުންޏެވެ. މި އަދަދުގައި މައިގަނޑު ސަމާލުކަމެއް ދީފައިވަނީ ލިޔެލާޖެހުމާއި، ތުނޑުކުނާގެ ކަވިކަމާއި، ބޮޑުބެރުގެ ބުންބެރު ފަދަ ސަގާފީ އެކި ކަންކަމަށް އަލިއަޅުވައިލާފައިވެ އެވެ. 

މި އަދަދުގެ އެޑިޝަން ޕާޓްނަރަކީ ހެރިޓަންސް އާރަށެވެ. ޓްރެވަލް ގައިސްއިން އެ ރިސޯޓަށް ޝުކުރު އަދާކުރުމާއެކު ބުނެފައިވަނީ އެ ރިސޯޓަކީ ރާއްޖޭގ ސަގާފަތާއި ތާރީހާއި ރީތިކަމާއި ހައިބަރު ދައްކުވައިދޭ ރިސޯޓެއް ކަމަށެވެ. 

މިއެޑިޝަންގެ ގޯލްޑް ޕާޓްނަރުން ކަމަށްވާ ކްރޮސްރޯޑްސް މޯލްޑިވްސް، އިފުރު އައިލެންޑް މޯލްޑިވްސް، އަދި އަލީލާ ކޮތައިފަރުން ދިވެހިރާއްޖޭގެ ފަތުރުވެރިކަމުގެ މައިދާނަށް ކޮށްދީފައިވާ ހިދުމަތްތަކުގެ މައްޗަށްވެސް މި ޢަދަދުގައި އަލިއަޅުވާލާފައިވާނެ ކަމަށް ޓްރެވަލް ގައިސްއިން ބުންޏެވެ.

ޕާޓްނަރުންނާ ގުޅުންހުރި މައުލޫމާތުތަކުގެ އިތުރަށް، ދިވެހި ފަންނުވެރިޔާ އައިމާ މުސްތަފާގެ ހިތްގައިމު ކުރެހުންތައް އެ އަދަދުގައި ހިމަނާފައިވެ އެވެ. އަދި އެ މަޖައްލާގައި ރައިވަރާއި ކަސަބު ބޯވަޅުގެ ސަގާފީ މުހިއްމުކަމާއި، ކަސަބުބޯވަޅު ޒުވާނުންނާ ހަމަައަށް ގެނެސްދިނުމަށް ނަދުހާ އަބްދުލްމުހުސިން ކުރާ މަސައްކަތްތައް އެ އަދަދުގައި ހިމެނޭނެ އެވެ. 

ޓްރެވަލް ގައިސްއިން ބުނި ގޮތުގައި އެ މަޖައްލާގައި ކ.އަތޮޅުގައި ފީނުމަށް ހުރި ހާއްސަ ސަރަހައްދުތަކާއި، މެކްރޯ ޑައިވިންގެ އިތުރުން ފަތުރުވެރިކަމުގައި ސިއްހަތާއި ސަލާމަތްތެރިކަމުގެ މައްޗަށްވެސް ބަލައިލާފައިވާނެ އެވެ. 

މި މަޖައްލާގެ ހަތަރުވަނަ އަދަދު ނެރޭނީ 2025 ވަނ އަހަރުގެ އޭޕްރީލު މަހުގަ އެވެ. އެ އަދަދުގައިވެސް ފޭރާން ރަނގަޅު ލިޔުންތަކަކާއި އިތުރު ބައިވެރިންގެ ވާހަކަތައް ބައިނަލްއަގުވާމީ ކިޔުންތެރިންނަށް ގެނެސްދޭނެ ކަމުގައި ޓްރެވަލް ގައިސްއިން ބުނެފައިވެ އެވެ.