ރާއްޖެ އިޝްތިހާރު ކުރަން ވޯލްޑްސް ބިގަސްޓް ގިވްއަވޭ ކެމްޕޭން ފަށައިފި

ރާއްޖެ އަށް ޒިޔާރަތް ކުރާ ޓޫރިސްޓުން ސޯޝަލް މީޑިއާގައި ރާއްޖެ އިސްތިހާރުކޮށްގެން މުޅި އަހަރު ގިނަ އިނާމުތަކެއް ލިބޭ "ވޯލްޑްސް ބިގަސްޓް ގިވް އަވޭ" ކެމްޕޭން އެމްއެމްޕީއާރުސީ އިން ފަށައިފި އެވެ.

އިނގިރޭސިވިލާތުގެ ލަންޑަންގައި މިހާރު ކުރިއަށްދާ ވޯލްޑް ޓްރެވަލް މާކެޓް (ޑަބްލިއުޓީއެމް) ފެއާގައި ފެށި މި ކެމްޕޭންއަކީ އަންނަ އަހަރު ރާއްޖެ އިސްތިހާރު ކުރަން އެމްއެމްޕީއާރުސީން ހިންގާނެ ސޯޝަލް މީޑިއާގެ އެންމެ ބޮޑު ކެމްޕޭނަކަށްވާނެ އެވެ.

ރާއްޖޭގެ މާކެޓިން ޕްލެޓްފޯމް ވިޒިޓް މޯލްޑިވްސް ސޯޝަލް މީޑިއާ ޕްލެޓްފޯމްތަކުގައި އެއް އަހަރު ދުވަހުގެ މުއްދަތަށް ކުރި އަށް ގެންދާ މި ސިލްސިލާ ގިވްއަވޭއަކީ ދުނިޔޭގެ އެކި ކަންކޮޅުތަކުގައި ދަތުރު ކުރާ ފަރާތްތަކަށް އަމާޒުކޮށްގެން ކުރިއަށް ގެންދާ ހަރަކާތެކެވެ. ސޯޝަލް މީޑިއާ މެދުވެރިކޮށް ކޮންމެ މަހަކު ބާއްވާ މި މުބާރާތްތަކުގެ ނަސީބުވެރި ފަރާތްތަކަށް ކޮންމެ ހަފްތާއަކު ވެސް ހިތްގައިމު ޗުއްޓީއެއްގެ ފުރުސަތު ލިބިގެންދާނެ އެވެ.

ކިހިނެއް ކުރިއަށްދާ ކެމްޕޭނެއް ؟ - މި ކެޕޭން ދާދީ މުބާރާތެއްގެ ގޮތުގަ އެވެ. ކޮންމެ މުބާރާތެއްގައި ވެސް ރާއްޖޭގެ ރީތި ގޮނޑުދޮށްތަކާއި ސާފު މޫދާއި ޤުދުރަތީ ރީތިކަމުން ފެށިގެން ރާއްޖޭގެ މުއްސަނދި ސަގާފަތާއި ތަފާތު ކަނޑުގެ ދިރުންތައް ފަދަ އެކިއެކި ކަންކަމަށް އަލިއަޅުވާލާނެއެވެ، އަދި ރޮމޭންސް ލަގްޒަރީ، ފެމިލީ، ޑައިވިން އަދި އެހެނިހެން ހިތްގައިމު ތަފާތު ސެގްމެންޓްތަކަށް އަލިއަޅުވާލެވިގެންދާނެ އެވެ.

މި މާކެޓިން ކެމްޕޭންގައި މުޅި އަހަރަށް ބަހާލައިގެން ހިލޭ 52 ޗުއްޓީ ދަތުރު ދޭނެ އެވެ. މިގޮތުން އަހަރުގެ ކޮންމެ ހަފުތާއަކު އެއް ޗުއްޓީ ދަތުރު ގުރުއަތު ނަގައި ހޮވާނެ އެވެ. 

އެމްއެމްޕީއާރުސީގެ ސީއީއޯ އަދި އެމްޑީ އަދި އެމްޑީ އިބްރާހިމް ޝިއުރީ ވިދާޅުވީ މިއީ ޓޫރިސްޓުން ރާއްޖެ ޒިޔާރަތްކުރުމަށް، ސަނީ ސައިޑް އޮފް ލައިފް ތަޖްރިބާކޮށްލުމަށް އަދި ރާއްޖެ އިޝްތިހާރު ކުރުމަށް ލިބޭ ރަނގަޅު ފުރުސަތަކަށްވާނެ އެވެ.

" މި ގިވްއަވޭގައި ބައިވެރިވެގެން ކޮންމެ ފަރާތަކަށްވެސް ޑްރީމް ވެކޭޝަން އެއް ތަޖުރިބާކުރުމުގެ ރަނުގެ ފުރުސަތުތަކެއް ލިބިގެންދާނެ" ޝިއުރީ ވިދާޅުވި އެވެ.

ދަ ވޯލްޑް ބިގެސްޓް ގިވްއަވޭ ކެމްޕޭން - މި ކެޕޭންގެ މައިގަނޑު މަޤްސަދަކީ ސޯޝަލް މީޑިއާގެ ޒަރީއްޔާ އިން ބައިނަލްއަގްވާމީ ފަރާތްކަކުގެ ބައިވެރިވުމާއެކު ރާއްޖެއަށް ގިނަ ފަތުރުވެރިން އައުމަށް ޝައުގުވެރިކުރުވުމެވެ. ރާއްޖެއަކީ އެންމެ މަގްބޫލު ޓްރެވަލް ޑެސްޓިނޭޝަންގެ ގޮތުގައި ހޭލުންތެރިކަން އިތުރުކޮށް، ރާއްޖޭގެ ތަފާތު ހުށަހެޅުންތަކާ ބެހޭ އަގުހުރި މައުލޫމާތުތައް ފޯރުކޮށްދިނުމެވެ. މި މުބާރާތްތަކުގައި ބައިވެރިވުމުން ފަތުރުވެރިންނަށް ރާއްޖޭގެ ތަފާތު ހިތްގައިމުކަން ދެނެގަނެ، ލިބޭ ތަފާތު ތަޖުރިބާތައް ހިއްސާކޮށް ރާއްޖެ އަކީ އަހަރުގެ ކޮންމެއިރަކުވެސް ޒިޔާރަތްކުރެވޭނެ މަންޒިލެއްގެ ގޮތުގައި އިޝްތިހާރު ކުރެވޭނެ އެވެ.


ސޯޝަލް މީޑިއާ ކެންޕޭންތަކުގެ އިތުރުން ވިޒިޓް މޯލްޑިވްސްއިން ރާއްޖޭގެ އިޝްތިހާރުކުރުމަށް މަސައްކަތް ކުރަނީ ޓްރޭޑް ފެއާތަކާއި އޮންލައިން ވެބިނާތަކާއި ރޯޑް ޝޯތައް ފަދަ ބައިނަލްއަގުވާމީ ޕްލެޓްފޯމްތައް މެދުވެރިކޮށެވެ. މިގޮތުން މާކެޓިން ކަލަންޑަރުގައި އަންނަ އަހަރު ހާއްސަ ކޮށްގެން ކުރިއަށް ހުރި މުހިންމު އިވެންޓްތައް ރާވާފައި ވަނީ ދެމެހެއްޓެނިވި ކަންކަމަށް އިސްކަންދީގެން، ފިލްމް ޓޫރިޒަމް އަދި ވެލްނެސް ޓޫރިޒަމް ފަދަ އާ ސެގްމެންޓްތައް ކުރިއެރުވުމުގެ މަގްސަދުގަ އެވެ.