އިލެކްޝަންސްއަށް ހަސީބު އައްޔަންކުރަން ފާސްކޮށްފި
މިވަގުތު ހަސީބު ހުންނެވީ އެ ކޮމިޝަނުގެ އެސިސްޓެންޓް ޑިރެކްޓަރުގެ މަގާމުގަ އެވެ. ހަސީބަކީ ފ.ނިލަންދޫއަށް ނިސްބަތްވެވަޑައިގަންނަވާ ބޭފުޅެކެވެ.
އިލެކްޝަންސް ކޮމިޝަނުގެ މެންބަރުކަމަށް އައްޔަންކުރުމަށް ރައީސުލްޖުމްހޫރިއްޔާ ރައްޔިތުންގެ މަޖިލީހަށް ނަން ފޮނުއްވާފައިވާ އަބްދުލްހަސީބު އިސްމާއީލު އެ މަގާމަށް އައްޔަންކުރުމަށް މަޖިލީހުން މިއަދު ފާސްކޮށްފި އެވެ.
ހަސީބަކީ އިސްލާމިކް މިނިސްޓްރީގެ ޕާމަނަންޓް ސެކްރެޓަރީގެ މަގާމު އަދާކުރައްވާފައިވާ ބޭފުޅެކެވެ. ރައީސް އިބްރާހީމް މުހައްމަދު ސޯލިހުގެ ދައުރުގައި އެ މަގާމަށް އައްޔަންކުރެވުނު ހަސީބު އެ މިނިސްޓްރީގެ މުވައްޒަފުންނާމެދު އަމަލުކުރެއްވި ގޮތާމެދު މުވައްޒަފުންގެ ޝަކުވާ ބޮޑުވެ އޭނާ މަގާމުން ވަކިކުރީ އެއިރުގެ މިނިސްޓަރު ޑރ.އަހްމަދު ޒާހިރު އެދިވަޑައިގެންނެވެ.
ހަސީބު މަގާމަށް އައްޔަންކުރުމަށް ރައީސް ޑރ.މުހައްމަދު މުއިއްޒު މަޖިލީހަށް އޭނާގެ ނަންފުޅު ފޮނުއްވީ އިލެކްޝަންސް ކޮމިޝަނުގެ ރައީސްގެ މަގާމުގައި ހުންނެވި ފުއާދު ތައުފީގުގެ ދައުރު ހަމަވާން ކައިރިވެފައިވާތީ އެވެ. އޭނާގެ ދައުރު ހަމަވާނީ ހިނގަމުންދާ ނޮވެންބަރު މަހުގެ 24 ވަނަ ދުވަހު އެވެ.
މިވަގުތު ހަސީބު ހުންނެވީ އެ ކޮމިޝަނުގެ އެސިސްޓެންޓް ޑިރެކްޓަރުގެ މަގާމުގަ އެވެ. ހަސީބަކީ ފ.ނިލަންދޫއަށް ނިސްބަތްވެވަޑައިގަންނަވާ ބޭފުޅެކެވެ.
މިއަދު މަޖިލީހުގައި ނެގި ވޯޓުގައި ބައިވެރިވެވަޑައިގެންނެވި 67 މެންބަރުންވަނީ އިލެކްޝަންސް ކޮމިޝަނަށް ހަސީބު އައްޔަންކުރުމަށް ފެންނަ ކަމަށް ވޯޓު ދެއްވާފަ އެވެ. އޭނާ އެ މަގާމަށް އައްޔަންކުރަން ނުފެންނަކަމަށް އެއްވެސް މެންބަރަކު ވޯޓު ނުދެއްވަ އެވެ.
ކޮމެންޓް
Republic of Maldives