އެލައިޑުން މިދެނީ ފުރާވަރު އުމުރުގައި ދަރިފުޅަށް ހަދިޔާއެއް
މި ޕްލޭންގެ ދަށުން ދަރިފުޅުގެ އުމުރުން 13 އަހަރުން ފެށިގެން ކޮންމެ އަހަރަކު އެއްފަހަރު އެޝުއާޑް ސަމްގެ 15 ޕަސަންޓު ދަރިފުޅަށް ލިބޭނެ އެވެ.
ބެލެނިވެރިއަކަށް ފުރާވަރު އުމުރުގެ ކިޔަވާކުއްޖަކަށް ދެވޭނެ އެންމެ އަގުހުރި ހަދިޔާއަކީ ހަރުދަނާ ތަރުބިއްޔަތެކެވެ. ކިޔަވުމާއި އެހެނިހެން ކަންކަމުގައި ވަގުތު ހޭދަކޮށްލެވޭނެ ފަސޭހަ މާހައުލެކެވެ. ހިތްހަމަޖެހި އެއްވެސް ދަތިކަމެއް ނެތި ތަރުބިއްޔަތުވެ، 18 އަހަރު ފުރި މުޖުތަމަޢުގެ ތެރެއަށް ނުކުމެވޭނެ އިންތިޒާމެކެވެ.
އެލައިޑް އިންޝުއަރަންސްގެ ސެކަންޑްރީ ސްކޫލް އެކްސްޕެންސެސް ޕްލޭން އިން ފަހިކޮށްދެނީ މި ފުރުސަތުތަކެވެ. މިއީ ތުއްތު ދަރިފުޅުގެ ސްކޫލު ނިންމައި ބޮޑުވެ ހަރުދަނާ ޒުވާނަކަށް ވާ ދަތުރުގައި އޭނާއަށް ބޭނުންވާ އެހީތެރިކަން ފަހިކޮށްދޭނެ އިންތިޒާމެވެ. ދުވަހުން ދުވަހަށް ތަކެތީގެ އަގު ބޮޑުވެ، މަހުން މަހަށް ކުރަންޖެހޭ ހަރަދުތައް ބޮޑުވާ އިގްތިސާދީ ހަގީގަތެއްގެ ތެރޭގައި ދިރިއުޅުނަސް ދަރިފުޅުގެ ސްކޫލު ދުވަސްވަރު ބޭނުންވާ ކަންކަން ކޮށްދީ، އޭނާ ތަރުބިއްޔަތުވެ ވަޒީފާއަށް ނުކުންނަ ދުވަހަކަށް ފައިސާ ރައްކާތެރިކޮށްދެވޭނެ މަގެކެވެ.
ސެކަންޑްރީ ސްކޫލް އެކްސްޕެންސެސް ޕްލޭންގެ ބައިތައް
- ދަރިފުޅުގެ އުމުރުން 5 އަހަރު ވުމުގެ ކުރިން ދަރިފުޅަށް ޓަކައި މި ޕްލޭން ނަގަން ޖެހޭނެއެވެ.
- ބެލެނިވެރިންގެ މާލީ ހާލަތަށް ރިއާޔަތްކޮށް، އެޝުއާޑް ސަމްއެއް އަދި މަހުން މަހަށް ދައްކާނެ ޕްރީމިއަމްއެއް ކަނޑައަޅަން ޖެހެއެވެ. އެޝުއާޑް ސަމްގެ އެންމެ ދަށް އަދަދަކީ 50,000 ރުފިޔާ އެވެ.
- ދަރިފުޅުގެ އުމުރުން 13 އަހަރުން ފެށިގެން ކޮންމެ އަހަރަކު އެއްފަހަރު އެޝުއާޑް ސަމްގެ 15 ޕަސަންޓު ދަރިފުޅަށް ލިބޭނެއެވެ.
- ދަރިފުޅަށް 18 އަހަރު ވުމުން އެޝުއާޑް ސަމްގެ 25 ޕަސަންޓު އަދި މި ޕްލޭނުން އެއްކުރެވިފައިވާ ބޯނަސް ފައިސާ ދަރިފުޅަށް ލިބޭނެއެވެ.
- މި ޕްލޭން ހިނގަމުންދާ މުއްދަތުގައި އަދި ދަރިފުޅަށް 13 އަހަރު ވުމުގެ ކުރިން ބެލެނިވެރިޔާ ނިޔާވެއްޖެ ނަމަ ޕްލޭނަށް ދައްކަމުން ދިޔަ ޕްރީމިއަމް ދެއްކުން ކަނޑާލެވޭނެއެވެ. ނަމަވެސް ޕްލޭނުން ދަރިފުޅަށް ލިބެން ކަނޑައަޅާފައިވާ ފައިސާގެ އަދަދުތައް ޕްލޭނާ އެއްގޮތަށް ލިބެމުން ދާނެއެވެ.
ސެކަންޑްރީ ސްކޫލް އެކްސްޕެންސެސް ޕްލޭނުން ފައިސާ ލިބެން ފަށަނީ ދަރިފުޅު ސާނަވީ ތައުލީމު ފަށާ މުއްދަތުގައި ކަމަށް ވުމުން މިއީ އެ ދުވަސްވަރުގައި ދަރިފުޅުގެ އަމިއްލަ ހަރަދުތައް ހަމަޖެއްސުމަށާއި ފަހަށް ރައްކާކުރުމަށް ދަސްކޮށްދީ އަމިއްލަ މާލީ ޒިންމާދާރުކަމުގެ ސިފަތައް އަށަގެންނެވުމަށް އެހީތެރިވެދޭނެ ފުރުސަތެކެވެ. އަދި ސްކޫލު ނިންމައި މަތީ ސާނަވީއަށް ކިޔެވުމަށް ނުވަތަ ސީދާ ވަޒީފާގެ ބާޒާރަށް ދަރިފުޅު ނުކުންނަން އެދޭނަމަ އެ ދަތުރުގައި ވެސް މި ލިބޭ ފައިސާގެ ބެނެފިޓްތަކުގެ ފައިދާ ކުރާނެ އެވެ.
މި އަހަރުގެ ސެޕްޓެމްބަރު މަހުން ފެށިގެން އެލައިޑުން ގެންދަނީ އެކުންފުނީގެ ލައިފް އިންޝުއަރަންސް ޕްލޭނުތަކުގެ ތެރެއިން ޕްލޭނެއް ބައްލަވައިގަންނަވާ ފުރަތަމަ 50 ކަސްޓަމަރުންނަށް ޕްލޭނުގެ ފުރަތަމަ މަހުގެ ޕްރީމިއަމުން 50 ޕަސަންޓުގެ ޑިސްކައުންޓެއް ލިބޭ ޕްރޮމޯޝަނެއް ހިންގަމުންނެވެ. ލަސްނުކޮށް އެލައިޑުގެ ވެބްސައިޓުން އިތުރު މައުލޫމާތު ހޯއްދަވާށެވެ.
ކޮމެންޓް
Republic of Maldives