ރެޑްވޭވް ސަލީމް | އޮންލައިން ވިޔަފާރިއަށް ހައްލެއް ގެންނަން ޖެހޭ
ސަލީމް ވިދާޅުވީ އޮންލައިން ވިޔަފާރިން އެއްވެސް ޓެކުހެއް ނުނަގާ ކަމަށެވެ. އެކަމަކު މި ވިޔަފާރި ހަލުވިކަމާއެކު ކުރިއަަރަމުންދާ ކަމަށެވެ.
އޮންލައިން ވިޔަފާރި ހަލުވިކަމާއެކު ކުރިއަރަމުންދާ ކަމަށާ އެހެންކަމުން މި ވިޔަފާރިއަށް "ހައްލެއް' ގެންނަން ޖެހޭ ކަމަށް ރާއްޖޭގެ އެންމެ ބޮޑު ހޯލްސޭލް / ރީޓެއިލް ވިޔަފާރިވެރިޔާ އަހުމަދު ސަލީމް (ރެޑްވޭވް ސަލީމް) ވިދާޅުވެއްޖެ އެވެ.
ސަރުކާރު ހިންގަވާ ޕީއެންސީގެ އެންމެ ނުފޫޒުގަދަ އެއް މެންބަރު ކަމަށްވާ އޭދަފުށީ ދާއިރާގެ މެމްބަރު ސަލީމް ވިދާޅުވީ ދުނިޔޭގައިވެސް އޮންލައިން ވިޔަފާރި ދަނީ ހަލުވިކަމާއެކު ކުރިއަރަމުން ކަމަށާ އެކަމަކު ރާއްޖޭގައި މި ވިޔަފާރިން އެއްވެސް ޓެކުހެއް ނުނަގަ އެވެ.
"މީގައި [އޮންލައިން ވިޔަފާރިން] ބިޒްނަސް ޓެކުހެއް ޖީއެސްޓީއެއް ނުނަގާނެ. ދުނިޔޭގައި ވެސް މި ވިޔަފާރި ދަނީ ބަަދަލުވަމުން. މިއަށްވެސް ކޮންމެވެސް ހައްލެއް ގެންނަން ޖެހޭ،" ސަލީމް ވިދާޅުވި އެވެ.
ރެޑްވޭވްއަކީ ރާއްޖޭގައި އެންމެ ފުޅާކޮށް ވިޔަފާރިކުރާ އެއް ކުންފުންޏެވެ. އެ ކުންފުނިން މާލޭ ސަރަހައްދުގައި އެކަނި އަށް ވިޔަފާރި ހިންގަ އެވެ. މި ކުންފުނިން ދަނީ ހުޅުމާލޭގައި އެންމެ ބޮޑު ޝޮޕިން މޯލް ހިންގަމުންނެވެ. އަދި އެ ކުންފުނިން ދަނީ ހުޅުމާލޭގައި އިތުރު މޯލެއް ހުޅުވަން ތައްޔާރު ވަމުންނެވެ.
ކޮމެންޓް
Republic of Maldives