ބީއެމްއެލްއިން ރީކޯ މޫސަގެ ތިން ރަށެއް ނީލަމަށް ލަައިފި
މި ތިން ރަށް ވިއްކައިލަނީ ބީއެމްއެލްއިން ރިކޯ މޫސާގެ ހެވީ ލޯޑު ކުންފުނިން ނަގާފައިވާ 11 މިލިއަން ޑޮލަރުގެ ލޯނެއް އަދާނުކޮށްގެންނެވެ.
އެމްޑީޕީގެ ކުރީގެ ޗެއާޕާސަން އަދި ރައްޔިތުންގެ މަޖިލީހުގެ ނައިބުރައީސްކަންވެސް ކުރިން ކުރެއްވި ވިޔަފާރިވެރިޔާ ރީކޯ މޫސާ މަނިކު ރިސޯޓު ތަރައްގީކޮށްފައިވާ ތިން ރަށެއް ނީލަމުގައި ވިއްކައިލުމަށް ބީއެމްއެލްއިން އިއުލާނުކޮށްފި އެވެ.
މި ތިން ރަށަކީ ރީކޯ މޫސަ 2016 ވަނަ އަހަރު ބޭންކް އޮފް މޯލްޑިވްސްއިން ނެގި 11 މިލިއަން ޑޮލަރުގެ ލޯނެއް އަނބުރާ ނުދެއްކުމާ ގުޅިގެން 2020 ވަނަ އަހަރު އެ ބޭންކުން ކޯޓަށް ހުށަހެޅި މައްސަލައެއްގައި ސިވިލް ކޯޓުން އެ ރަށްތަކުގެ ހެޑް ލީސް ވިއްކައިލުމަށް ހުއްދަ ދީފައިވާ ތިން ރަށެވެ.
އެ ތިން ރަށް ވިއްކުމަށް ބީއެމްއެލްއިން ހުޅުވާލާފައިވަނީ ދެ ގޮތަކަށެވެ. އެއީ:
- ލ.ފަރެ، ލ.ކުޑަފަރެސް. ލ.ބޮޑުހުރާ އެއްކޮށް 23،262،000 (ތޭވީސް މިލިއަން ދެލައްކަ ފަސްދޮޅަސް ދެހާސް) ޑޮލަރަށްވުރެ ބޮޑު އަގެއްގަައި ގަތުން
- ހ. ފަރެސް އަދި ކުޑަ ފަރެސް ވަކިން އެންމެ ކުޑަވެގެން 23،262،000 (ތޭވީސް މިލިއަން ދެލައްކަ ފަސްދޮޅަސް ދެހާސް) ޑޮލަރަށް ގަތުން
- ށ. ބޮޑުހުރާ ވަކިން 23،262،000 (ތޭވީސް މިލިއަން ދެލައްކަ ފަސްދޮޅަސް ދެހާސް) ޑޮލަރަށް ގަތުން
މި ރަށްތަކުގެ ތެރެއިން ކުޑަފަރެހާއި ބޮޑު ފަރެސް އެއްކޮށްލައިގެން ހަދާފައި އޮންނަނީ ރަސްގެރަހާ ރިސޯޓެވެ.
އަންނަ ނޮވެންބަރު މަހުގެ 28 ވަނަ ދުވަހުގެ 12 ޖެހުމުގެ ކުރިން ބޭންކަށް މި ރަށްތައް ގަތުމަށް ޝައުގުވެރިވާ ފަރާތްތަކުން ޕްރޮޕޯޒަލް ހުށަހެޅުމަށް ބޭންކުންވަނީ ހުޅުވާލާފަ އެވެ.
ކޮމެންޓް
Republic of Maldives