ޓެކުސް ބޮޑުކުރާ ބިލުތައް ދިރާސާކުރުން ދެ ދުވަހުން ނިންމައިލަނީ
އެ ބައްދަލުވުމުގައި ނިންމާފައިވަނީ ބިލުތައް ދިރާސާކުރުމުގެ މަސައްކަތ މާދަމާ ރޭގެ ނިޔަލަަށް ނިންމައި މުޅި މަޖިލިސް ކޮމިޓީއަށް ފޮނުވުމަށެވެ.
ސަރުކާރުގެ ފަރާތުން މަޖިލީހަށް ހުށަހަޅާފައިވާ ޓެކުހާއި ޑިއުޓީ ބޮޑުކުރުމާ ގުޅުންހުރި ހަތަރު ބިލުގެ މަސައްކަތް މިއަދާއި މާދަމާ ކުރިއަށް ގެންސްގޮސް މާދަން ރެއަށް ނިންމައިލަން ރައްޔިތުންގެ މަޖިލީހުގެ މާލިއްޔަތު ކޮމިޓީން ނިންމައިފި އެވެ.
މިދިޔަ ހަފުތާގެ ބުދަަދުވަހު މުޅި މަޖިލީހުގެ ކޮމިޓީން ނިންމާފައިވަނީ ސަރުކާރުން ހުށަހެޅި ހަތަރު ބިލު ދިރާސާކުރަން މަޖިލީހުގެ މާލިއްޔަތު ކޮމިޓީއާއި އިގުތިސާދީ ކޮމިޓީ ހިމެނޭ ސަބް-ކޮމިޓީއަކަށް ފޮނުވަން ނިންމީ ފާއިތުވި ބުދަދުވަހު އެވެ.
އެ ބިލުތަކަކީ:
- މުދަލާއި ހިދުމަތުގެ އަގުން ޓެކްސް ނެގުމުގެ ގާނޫނަށް އިސްލާހު ގެނައުމުގެ ބިލު
- ޓޫރިޒަމާ ބެހޭ ގާނޫނަށް އިސްލާހު ގެނައުމުގެ ބިލު
- އެއާޕޯޓްތަކުން ރާއްޖޭން ބޭރަށް ފުރާ ޕަސިންޖަރުންގެ އަތުން ޓެކްސް ފީ ނެގުމުގެ ގާނޫނަށް އިސްލާހު ގެނައުމުގެ ބިލު
- އެކްސްޕޯޓް އިމްޕޯޓް ގާނޫނަށް އިސްލާހު ގެނައުމުގެ ބިލު
މިއަދު ސަބް-ކޮމިޓީންވަނީ އެ ބިލުތައް ދިރާސާކުރުމުގެ މަސައްކަތް ކުރާނެ ގޮތް ކަނޑައެޅުމަށް ބައްދަލުވުމެއް ބާއްވާފާ އެވެ. އެ ބައްދަލުވުމުގައި ނިންމާފައިވަނީ ބިލުތައް ދިރާސާކުރުމުގެ މަސައްކަތ މާދަމާ ރޭގެ ނިޔަލަަށް ނިންމައި މުޅި މަޖިލިސް ކޮމިޓީއަށް ފޮނުވުމަށެވެ.
އަދި މިއަދުގެ 14:00 އިން ފެށިގެން މާދަމާގެ 14:00 އަށް އާންމުންގެ ހިޔާލު ބިލުތަކާމެދު ހުށަަހެޅުމަށް ހުޅުވާލާފައިވެ އެވެ. ބިލުތަކާ ގުޅުންހުރި އިދާރާތަކާއި ޖަމްއިއްޔާތަކަށް ލިޔުމުން ހިޔާލު ހުށަަހެޅުމުގެ ފުރުސަތު ދިނުމަށް ނިންމާފައިވެ އެވެ.
އަންނަ އަހަރަށް ލަފާކޮށް ހުށަހަޅާ ދައުލަތުގެ ބަޖެޓު މި ހަފުތާ ތެރޭގައި މަޖިލީހަށް ފޮނުވާނެކަމަށް ބެލެވޭތީ މި ބިލުތަކަަކީ އެ ބަޖެޓަށް މުހިއްމު ބިލުތަކަކަށްވާތީ އެ ބިލުތަކުގެ މަސައްކަތް އަވަސްކުރަންޖެހޭ ކަމަށް މަޖިލީހުގެ ނައިބުރައީސް ދިއްގަރު ދާއިރާގެ މެންބަރު އަހްމަދު ނާޒިމު ހުށަހަޅުއްވާފައިވެ އެވެ.
ކޮމެންޓް
Republic of Maldives