ޑެޕިއުޓީ ކޮމިޝަނާ ޖެނެރަލް އޮފް ޓެކްސޭޝަނަަށް ފޮނުވި ނަންތަކަށް ޝަކުވާއަށް ހުޅުވާލައިފި
މަޖިލީހުގެ އިދާރާ އިން ބުނީ މި ދެ ބޭފުޅުންނާމެދު ޝަކުވާއެއް އޮތް ނަމަ ހުށައަޅަން ފުރުސަތު ހުޅުވާލާ ކަމަށެވެ. އެ ފުރުސަތު މި މަހުގެ 30 ވަނަ ދުވަހުގެ ނިޔަލަށް އޮންނާނެ އެވެ.
މޯލްޑިވް އިންލެންޑް ރެވެނިއު އޮތޯރިޓީގެ ޑެޕިއުޓީ ކޮމިޝަނާ ޖެނެރަލް އޮފް ޓެކްސޭޝަންގެ މަގާމަަށް އައްޔަންކުރެއްވުމަށް ދެ ބޭފުޅެއްގެ ނަންފުޅު ރައީސުލްޖުމްހޫރިއްޔާ ޑރ.މުހައްމަދު މުއިއްޒު ރައްޔިތުންގެ މަޖިލީހަށް ފޮނުއްވެވި ބޭފުޅުންނާމެދު ޝަކުވާއެއް އޮތް ނަމަ ހުށައަޅަން ފުރުސަތު ހުޅުވާލައިފި އެވެ.
ޑެޕިއުޓީ ކޮމިޝަނާ ޖެނެރަލް އޮފް ޓެކްސޭޝަނުގެ މަގާމުގައި މިހާރު ހުންނެވި އަސްމާ ޝަފީއުގެ މަގާމުގެ ދައުރު ހިނގަމުންދާ އޮކްޓޯބަރު މަހުގެ ނިޔަލަށް ހަމަވާނެ އެވެ. އޭނާގެ މަގާމުގެ ދައުރުގެ މުއްދަތު ހަމަވާން ކައިރިވެފައިވާތީ ރައީސް އޮފީހުންވަނީ އެ މަގާމަށް ކުރިމަތިލުމަށް ހުޅުވާލާފަ އެވެ.
އެ މަގާމަށް ކުރިމަތިލުމަށް ހުޅުވައިލުމުން މަގާމަށް ކުރިމަތިލެއްވި ބޭފުޅުންގެ ތެރެއިން މަގާމަށް ޝަރުތު ހަމަަވީ ދެ ބޭފުޅުންނެވެ. މަގާމަށް ޝަރުތުހަމަވި ދެ ބޭފުޅުންގެ ނަންފުޅުވެސް ރައީސް މުއިއްޒުވަނީ މަޖިލީހަށް ފޮނުއްވާފަ އެވެ. ނަންތައް ފޮނުއްވީ އެމަނިކުފާނު އިސްކަންދެއްވާ ތަރުތީބުންނެވެ.
ޑެޕިއުޓީ ކޮމިޝަނާ ޖެނެރަލް އޮފް ޓެކްސޭޝަންގެ މަގާމަށް ކުރިމަތިލެއްވި ބޭފުޅުންގެ ތެރެއިން ދެ ބޭފުޅެއް މަގާމުގެ ޝަރުތުހަމަވިއިރު އޭގެ ތެރޭގައި މިހާރު އެ މަގާމުގައި ހުންނެވި އަސްމާވެސް ހިމެނިވަޑައިގަންނަވަ އެެވެ. ނަމަވެސް ރައީސް އިސްކަންދެއްވާ ބޭފުޅެއްގެ ގޮތުގައި ނަން ފޮނުއްވާފައިވަނީ އެ މަގާމަށް ކުރިމަތިލެއްވި ފާތިމަތު އަމީޒާގެ ނަންފުޅެވެ.
މަޖިލީހުގެ އިދާރާ އިން ބުނީ މި ދެ ބޭފުޅުންނާމެދު ޝަކުވާއެއް އޮތް ނަމަ ހުށައަޅަން ފުރުސަތު ހުޅުވާލާ ކަމަށެވެ. އެ ފުރުސަތު މި މަހުގެ 30 ވަނަ ދުވަހުގެ ނިޔަލަށް އޮންނާނެ އެވެ.
ކޮމެންޓް
Republic of Maldives