ހެޔޮއެދޭ ފަރާތެއްގައި އެހީގައި ގައިދީންނާއި ޖަލު އޮފިސަރުން އައްސޭރި ޖަލުގައި މިސްކިތެއް ބިނާކޮށްފި
މޯލްޑިވްސް ކަރެކްޝަނަލް ސާވިސް (އެމްސީއެސް) އިން ކ. ހިންމަފުށީ ގައި ގާއިމްކޮށްފައިވާ އައްސޭރި ޖަލުގައި މިއަދު މިސްކިތެއް ހުޅުވައިފި އެވެ.
"މަސްޖިދުލް ޔޫސުފް" ހުޅުވުމަށް މިއަދު ބޭއްވި ރަސްމިއްޔާތު ޝަރަފު ވެރިކޮށްދެއްވީ ރައީސުލްޖުމްހޫރިއްޔާގެ އޮފީހުގެ ޗީފް އޮފް ސްޓާފް އަބްދުﷲ ފަޔާޒެވެ.
ހެޔޮ އެދޭ ފަރާތްތަކުގެ އެހީއާއެކު މި މިސްކިތް ބިނާކުރުމުގެ މަސައްކަތް އަމަލީ ގޮތުން ފެށީ އޮގަސްޓް 17، 2023 ގައެވެ. 130 މީހުންގެ ޖާގައިގެ މި މިސްކިތް ބިނާކުރުމުގެ މަސައްކަތް ކޮށްފައިވަނީ އައްސޭރި ޖަލުގެ ގައިދީންނާއި ޕްރިޒަން އޮފިސަރުންނެވެ.
މިއަދުގެ ރަސްމިއްޔާތުގައި ކޮމިޝަނަރު ހަސަން ޒަރީރު ވިދާޅުވި ގޮތުގައި މީގެ ކުރިން އައްސޭރި ޖަލުގައި ނަމާދު ކުރަމުން އައީ މަސައްކަތްކުރާ ތަނުގަ އެވެ. އަދި ޖާގަ ނެތުމުން އެކަކު ނަމާދުކޮށް ނިމެންދެން އަނެކަކު ގިނަ ފަހަރު މަޑުކުރަން ޖެހޭ ކަމަށެވެ. މި މިސްކިތުގެ ސަބަބުން އެ މައްސަލަ ހައްލުވާނެ ކަމަށް ވިދާޅުވި އެވެ.
ކޮމެންޓް
Republic of Maldives