ޓެކްސް އެޕީލް ޓްރިބިއުނަލަށް މެންބަރުން އައްޔަނު ކޮށްފި
ޓެކްސްއާ ގުޅޭ އެކި މައްސަލަތައް ބަލާ ޓެކްސް އެޕީލް ޓްރައިބިއުނަލްގައި ތިބި މެންބަރުން އައްޔަނު ކޮށްފައި ވަނީ 2020 ވަނަ އަހަރު އެވެ.
ޓެކްސް އެޕީލް ޓްރިބިއުނަލްއިން ހުސްވެފައިވާ މަގާމުތަކަށް ހަތަރު ބޭފުޅުން އައްޔަނު ކުރަން ރައްޔިތުންގެ މަޖިލީހުން ރުހުން ދިނުމާއި ގުޅިގެން އެ ބޭފުޅުން މެންބަރު ކަމަށް އައްޔަނު ކުރައްވައިފި އެވެ.
ޓެކްސް އެޕީލް ޓްރައިބިއުނަލްގެ މެންބަރު ކަމަށް ހުޅުވާލީ އެ ކޮމިޝަންގެ ރައީސާއި ނާއިބު ރައީސާއި އިތުރު ދެ މެންބަރަކު މަގާމުން ވަކިކުރުމާއި ގުޅިގެންނެވެ.
އެ މެންބަރުން ވަކިކުރެއްވީ ޓެކްސް އެޕީލް ޓައިބިއުނަލްގެ މެންބަރުން މަގާމުގެ ނުފޫޒު ބޭނުންކޮށްގެން ވަކި ގޮތަކަށް މައްސަލަ ނިންމައި، ކޮރަޕްޝަންގެ އަމަލުތައް ހިންގާކަން ފާހަގަވެފައިވާތީ ފަސް މެންބަރުންގެ ތެރެއިން ހަތަރު މެންބަރުން ވަކިކުރުމަށް ރައީސުލްޖުމްހޫރިއްޔާއަށް ލަފާ ދިނުމަށް ރައްޔިތުންގެ މަޖިލީހުގެ ޖުޑިޝަރީ ކޮމެޓީން ނިންމުމުންނެވެ.
މަގާމުގައި ހުންނެވީ ޓްރައިބިއުނަލްގެ މެންބަރު އިސްމާއިލް ސާޖިދު އެކަންޏެވެ. މަގާމުން ވަކިކުރި މެންބަރުންގެ މައްސަލަތައް މަޖިލީހަށް ހުށައެޅީ ސާޖިދެވެ.
ހުސްވެފައިވާ މަގާމުތަކަށް ކުރިމަތިލާން ހުޅުވައިލުމުން 13 ފަރާތަކުން ކުރިމަތިލާފައިވެ އެވެ. އޭގެ ތެރެއިން މަޖިލީހުން މިއަދު ރުހުން ދިން ހަތަރު ބޭފުޅުން ވަނީ މެންބަރު ކަމަށް އައްޔަނު ކުރައްވާފަ އެވެ. އެއީ؛
- އަބްދުލްގަނީ މުހައްމަދު
- އިބްރާހިމް ޝަރީފް
- ހަސަން ޒުހައިރު މުހައްމަދު
- ޝިފާޒާ އަބްދުލްގައްޔޫމް
ޓެކްސްއާ ގުޅޭ އެކި މައްސަލަތައް ބަލާ ޓެކްސް އެޕީލް ޓްރައިބިއުނަލްގައި ތިބި މެންބަރުން އައްޔަނު ކޮށްފައި ވަނީ 2020 ވަނަ އަހަރު އެވެ.
ކޮމެންޓް
Republic of Maldives