ޓެކްސް އެޕީލް ޓްރިބިއުނަލަށް 4 ބޭފުޅަކު އައްޔަނު ކުރަން ރުހުން ދީފި

ޓެކްސް އެޕީލް ޓްރިބިއުނަލްއިން ހުސްވެފައިވާ މަގާމުތަކަށް ހަތަރު ބޭފުޅުން އައްޔަނު ކުރަން ރައްޔިތުންގެ މަޖިލީހުން ރުހުން ދީފި އެވެ.

ޓެކްސް އެޕީލް ޓްރައިބިއުނަލްގެ މެންބަރު ކަމަށް ހުޅުވާލީ އެ ކޮމިޝަންގެ ރައީސާއި ނާއިބު ރައީސާއި އިތުރު ދެ މެންބަރަކު މަގާމުން ވަކިކުރުމާއި ގުޅިގެންނެވެ. 

އެ މެންބަރުން ވަކިކުރެއްވީ ޓެކްސް އެޕީލް ޓައިބިއުނަލްގެ މެންބަރުން މަގާމުގެ ނުފޫޒު ބޭނުންކޮށްގެން ވަކި ގޮތަކަށް މައްސަލަ ނިންމައި، ކޮރަޕްޝަންގެ އަމަލުތައް ހިންގާކަން ފާހަގަވެފައިވާތީ ފަސް މެންބަރުންގެ ތެރެއިން ހަތަރު މެންބަރުން ވަކިކުރުމަށް ރައީސުލްޖުމްހޫރިއްޔާއަށް ލަފާ ދިނުމަށް ރައްޔިތުންގެ މަޖިލީހުގެ ޖުޑިޝަރީ ކޮމެޓީން ނިންމުމުންނެވެ.

މިހާރު މަގާމުގައި ހުންނެވީ ޓްރައިބިއުނަލްގެ މެންބަރު އިސްމާއިލް ސާޖިދު އެކަންޏެވެ. މަގާމުން ވަކިކުރި މެންބަރުންގެ މައްސަލަތައް މަޖިލީހަށް ހުށައެޅީ ސާޖިދެވެ.

ހުސްވެފައިވާ މަގާމުތަކަށް ކުރިމަތިލާން ހުޅުވައިލުމުން 13 ފަރާތަކުން ކުރިމަތިލާފައިވެ އެވެ. އޭގެ ތެރެއިން މަޖިލީހުން މިއަދު ރުހުން ދީފައި ވަނީ؛

މި ހަތަރު ބޭފުޅުންނަށް ވެސް ރުހުން ދީފައި ވަނީ 68 މެންބަރުންގެ ވޯޓުންނެވެ.

ޓެކްސްއާ ގުޅޭ އެކި މައްސަލަތައް ބަލާ ޓެކްސް އެޕީލް ޓްރައިބިއުނަލްގައި ތިބި މެންބަރުން އައްޔަނު ކޮށްފައި ވަނީ 2020 ވަނަ އަހަރު އެވެ.